සෞඛ්යය අමාත්යාංශයේ නියෝජ්ය අධ්යක්ෂ ජනරාල් පරිසර සෞඛ්යයය වෘත්තීය සෞඛ්යය හා ආහාර ආරක්ෂණ තනතුරට විශේෂඥ වෛද්ය ආනන්ද ජයලාල් පත්කිරීමට රාජ්ය සේවා කොමිසමේ සෞඛ්යය සේවා කමිටුව ශ්රේෂ්ඨාධිකරණයේ දී පසුගිය දා එකඟ වූයේය.
අධිකරණය හමුවේ දී මෙම එකඟතාවයට පැමිණීමට රාජ්ය සේවා කොමිෂන් සභාවට සිදුවන්නේ 2017 ජූලි 24 දින වෛද්ය එල් ටී ගම්ලත් සහ වෛද්ය ශ්රී ධරන් සෞඛ්යය අමාත්යාංශයේ නියෝජ්ය අධ්යක්ෂ ජනරාල් ධුරවලට පත් කිරීම අභියෝගයට ලක් කර විශේෂඥ වෛද්ය ආනන්ද ජයලාල් විසින් ශ්රේෂ්ඨාධිකරණය ඉදිරියේ ගොනුකළ පෙත්සම් විභාගයෙන් අනතුරුවය.
එම තනතුර සඳහා පැවති සම්මුඛ පරීක්ෂණයේ දී වැඩිම ලකුණු ලබාගත් විශේෂඥ වෛද්ය ආනන්ද ජයලාල් ගෙන් ලකුණු දෙකක් අඩුකර ඔහු නුසුදුස්සෙකු කිරීමටත් වෛද්ය එල් ටී ගම්ලත්ට අමතරව ලකුණු හතක් පිරිනමා ඔහු එම තනතුරට සුදුස්සකු කර පත් කිරීමටත් රාජ්ය සේවා කොමිසමේ සෞඛ්යය සේවා කමිටුවේ ඩබ්ලිව් එම් බන්දුසේන, එස් පී වෙල්ලප්පිලි, වෛද්ය සී.කේ. ෂන්මුගරාජා කටයුතු කළ ආකාරය මෙම පෙත්සමේ දී අභියෝගයට ලක් විය.
එමෙන්ම හිටපු සෞඛ්යය ලේකම් අනුර ජයවික්රම, අතිරේක ලේකම් ලක්ෂ්මන් සියඹලාගොඩ හිටපු අධ්යක්ෂ ජනරාල් වෛද්ය ජයසුන්දර බණ්ඩාර පළාත් පාලන හා පළාත් සභා අමාත්යාංශයේ අතිරේක ලේකම් බී බොරලැස්ස ශ්රී ලංකා සැලසුම් සේවය ආර් එස් සපුගස් වත්තගෙන් සමන්විත සම්මුඛ පරීක්ෂණ මණ්ඩලය ලකුණු දීමේ දී සිදුකර ඇති අක්රමිකතා ද මෙම පෙත්සමෙන් ප්රශ්න කර තිබුණේය.
කෙසේ වෙතත් ශ්රේෂාඨාධිකරණය හමුවේ සිදුවී ඇති වරද පිළිගත් රාජ්ය සේවා කොමිෂන් සභාව සෞඛ්යය අමාත්යාංශයේ නියෝජ්ය අධ්යක්ෂ ජනරාල් පරිසර සෞඛ්යයය වෘත්තීය සෞඛ්යය හා ආහාර ආරක්ෂණ තනතුරට විශේෂඥ වෛද්ය ආනන්ද ජයලාල් පත්කිරීමේ වලංගු භාවය පිළිගත්තේය.
විශේෂඥ වෛද්ය ආනන්ද ජයලාල් ම 2010 වර්ෂයේ සිටි පාරිසරික සෞඛ්යය අධ්යක්ෂවරයා වශයෙන් පරිසර සෞඛ්යය ගැටලුවක් වන කාලික වකුගඩු රෝගය සම්බන්ධයෙන් ජාත්යාන්තර පිළිගැනීමට ලක්ව ඇති පර්යේෂණ මාලාවක් සිදු කර ඇති විද්වතෙකි.
එමෙන්ම මහජනතාව නොමග යවන සුලු ආහාර දැන්වීම් ප්රචාරණය වැලැක්වීමට ආහාර පනතේ බලතල උපරිමව ක්රියාත්මක කළ නිලධාරියෙකි.
ජනාධිපති නීතිඥ සාලිය පීරිස් පෙත්සම්කරු වෙනුවෙන් පෙනී සිටියේය.
