සීතාවක ප්රාදේශීය සභාව සඳහා සභාපතිවරයෙකු සහ උප සභාපතිවරයෙකු තෝරා පත් කර ගැනීම අද (15)දෙවන දිනටත් දින නියමයක් නොමැතිව කල් දැමිමට බස්නාහිර පළාත් පාලන කොමසාරිස් සාරංගිකා ජයසුන්දර තීරණය කරනු ලැබුවාය.
සභාපති සහ උප සභාපති තෝරා පත් කර ගැනීම සඳහා කොමසාරිස්වරියගේ ප්රධානත්වයෙන් ජුනි 17 වන දින පළමු රැස්වීම කැඳවා තිබූ අතර සභාවේ ඇති වූ ව්යාකූල තත්ත්වය හේතුවෙන් එම අවස්ථාව අද දිනය තෙක් කල් දමා තිබිණි.
අද උදෑසන රැස්වීම ආරම්භ වූ විට, ඡන්දය ප්රකාශ කිරීම සම්බන්ධයෙන් සාමාජිකයින් අතර යළිත් මතභේද ඇති විය.
එක් කණ්ඩායමක් රහස් ඡන්දයකට සහ අනෙක් කණ්ඩායම විවෘත ඡන්දයකට කැමැත්ත පළ කළහ. මන්ත්රීවරුන් 24 දෙනෙකු රහස් ඡන්දයකට සහ 23 දෙනෙකු විවෘත ඡන්දයකට කැමැත්ත පළ කළ බව කොමසාරිස්වරිය සභාවට දැනුම් දුන්නාය.
එම අවස්ථාවේදී නැගී සිටි සමගි ජනි බලවේගය නියෝජනය කරන සභිකයකු සභාපතිවරයා පත්කර ගැනීම සඳහා වූ ඡන්ද විමසීම සඳහා රහස් ඡන්ද විමසීමේ ප්රතිඵල අනුව සාමාජිකයන් සිටින බැවින් රහස් ඡන්දයක් පැවැත්වීමට විරුද්ධව ඡන්දය භාවිතා කළ සභිකයන් කණ්ඩායම සභාවෙන් ඉවත්වන බව පවසා එම පිරිස සභාවෙන් පිටව ගියහ.
ඉන් අනතුරුව සභාවේ සිටි පිරිස ගණනය කිරීමෙන් පසු ඝන පූර්ණය සඳහා අවශ්ය සභිකයින් ගණන නොමැති බැවින් සභාව විනාඩි දහයකට කල් තැබීමට කොමසාරිස්වරිය කටයුතු කළාය.
මෙම තත්වයන් යටතේ, ගණපූර්ණය නොමැතිකම හේතුවෙන් කොමසාරිස්වරිය යළිත් වරක් ප්රාදේශීය සභාවේ සභාපති සහ උප සභාපති තෝරා ගැනීමේ ඡන්දය දින නියමයක් නොමැතිව කල් දැමීය.
