ජාත්යාන්තර මූල්ය අරමුදලේ කාර්ය මණ්ඩලය සහ ශ්රී ලංකා බලධාරීන් ආර්ථික ප්රතිපත්ති පිළිබඳ කාර්ය මණ්ඩල මට්ටමේ එකඟතාවයකට පැමිණ ඇති බව ජාත්යාන්තර මූල්ය අරමුදල අද (25) නිවේදනය කළේය.
IMF හි විස්තීර්ණ අරමුදල් පහසුකම මගින් සහාය දක්වන ශ්රී ලංකාවේ ප්රතිසංස්කරණ වැඩසටහනේ සිව්වන සමාලෝචනය ඒ අනුව අවසන් වී තිබේ.
IMF විධායක මණ්ඩලය විසින් සමාලෝචනය අනුමත කළ පසු, ශ්රී ලංකාවට ඇමරිකානු ඩොලර් මිලියන 344 ක පමණ මූල්යකරණයක් ලබා ගැනීමට ප්රවේශය ලැබෙනු ඇති බව එම නිවේදනයේ සඳහන් වේ.
වැඩසටහන් කාර්ය සාධනය සමස්තයක් ලෙස ශක්තිමත්ව පවතින බවත්, ආර්ථික වර්ධනය යථා තත්ත්වයට පත්වෙමින් පවතින බවත් ජාත්යාන්තර මූල්ය අරමුදල සඳහන් කරයි. ජාත්යාන්තර මූල්ය අරමුදල එම නිවේදනයේ මෙසේ ද දක්වා ඇත.
ආදායම් බලමුලු ගැන්වීම, සංචිත සමුච්චය කිරීම සහ ව්යුහාත්මක ප්රතිසංස්කරණ අපේක්ෂා කළ පරිදි ඉදිරියට යමින් පවතී. ණය ප්රතිව්යුහගත කිරීම බොහෝ දුරට සම්පූර්ණ වී තිබේ. වැදගත් වන්නේ, රජය වැඩසටහන් අරමුණු සඳහා කැපවී සිටීමය.
කෙසේ වෙතත්, ගෝලීය වෙළඳ ප්රතිපත්ති අවිනිශ්චිතතාවය ශ්රී ලංකාවේ ආර්ථිකයට සැලකිය යුතු අවාසි අවදානම් ඇති කරයි. මේවා ක්රියාත්මක වුවහොත්, බලධාරීන් සහ කාර්ය මණ්ඩලය එක්ව බලපෑම තක්සේරු කිරීමට සහ IMF සහාය දක්වන වැඩසටහනේ සමෝච්ඡයන් තුළ ප්රතිපත්ති ප්රතිචාර සකස් කිරීමට කටයුතු කරනු ඇත.
IMF විසින් නිකුත් කළ සම්පූර්ණ නිවේදනය පහත දිගුවෙන් දැක්වේ.
