සිරි දළදා වන්දනාව සඳහා දින ගණන් පෝලිම්වල රැඳී ඉන්නා බැතිමත්හු බලාපොරොත්තු රහිත අර්බුදයකට මුහුණ දී සිටිති.
මේ මිනිසුන් අති මහත් බහුතරයකට සිය නිවෙස් බලා යන්නට සිදුවි ඇත්තේ තමන් රැගෙන පැමිණි වැදගත් ලියකියවිලි මෙන්ම තමන්ගේ පාවහන් සහ ගමන් මළු අතරමග අත්හැර දමමිනි. මෙම ඛේදවාචකයේ තරම පෙනෙන්නේ බොහෝ බැතිමතුන්ගේ සායන දත්ත පත්ර, ජාතික හැඳුනුම්පත් පවා අත්හැර දමා යන්නට සිදුවූ ගමන් මළුවලින් හමුවී නගරසභා සේවකයින් විසින් තැන තැන ගොඩ ගසා තිබෙනු දකින විටය.
සිරි දළදා වන්දනාවට ගමන් මල්ලක් රැගෙන නෑවිත් නිදහස් දෑතින් එන්නැයි සංවිධායකවරු කියති. එහෙත් දළදා වැඳගන්නට අඩුම තරමින් දින දෙකක් පෝලිමේ සිටිය යුතු ප්රායෝගික තත්ත්වය තුළ අත් දෙක වන වනා දළදා වන්දනා පෝලිමට ඇතුළු විය නොහැකිය.
එමෙන්ම සෞඛ්ය අංශ දැනුම් දී ඇති පරිදි සෑම වන්දනාකරුවෙක්ම සිය සායන දත්ත පොත අරන් පැමිණිය යුතු බව කියන හෙයින් ඔවුන් බොහෝ දෙනෙක් ක්ලිනික් පොත් රැගෙන විත් සිටිති. එහෙත් ගමන්මලු තැන්පත් කරන කවුන්ටර තුනෙන්ම තැන්පත් කළ හැක්කේ ගමන්මළු 24000ක් පමණි. වන්දනා පෝලිමේ සිට දළදා දැක්මට යන සෑම කෙනෙකුටම ගමන්මලු තැන්පත් කිරීමට ඉඩක් නැති හෙයින් බොහෝ දෙනාට ඇති එකම විකල්පය ගමන්මල්ල ඉන්න තැනම තබා දළදා වන්දනාවට යෑමය.
එහෙත් පිටවන්නේ වෙනත් පැත්තකිනි. ඔවුන් නැවත තමන් ගමන්මළු තැන්පත් කළ තැනට යනවිට එම තැන්වල වෙනත් පිරිස්ය. සොයාගත නොහැකි ගමන්මළු සහ වැදගත් ලේඛන අත්හැර හිස් අතින් ගෙදර යන පිරිස්වලට සිදුවූ ව්යසනය බොහෝ දෙනෙකුට වැටහෙන්නේ නැත. මේ පිරිස් ක්ලීන් ශ්රී ලංකා යටතේ කසල බැහැර කළ යුතු ආකාරය ගැන බැතිමතුන්ට උපදෙස් දෙති. නගරසභාව කියන්නේ කසල වර්ගකර කසල බඳුන්වලටම දමන ලෙසය.
බොහෝ දෙනාට නුවර මේ අත්හැර දමා යන්නට සිදුවූ ගමන්මළු සහ ලේඛනත් කසල ලෙස පෙනෙන්නේය. මේ වීඩියෝව බලන්න. “දුක නම් සිරි දළදා වන්දනාවට පෝලිම්වල සිටීමය” ලෙස අලුත් වහරක් නොපැමිණියහොත් පුදුමය.
