හෙට (07) ආරම්භ වීමට නියමිත අධ්යාපන පොදු සහතික පත්ර උසස් පෙළ විභාගයට වැලිකඩ බන්ධනාගාරයෙන් සිරකරුවන් දෙදෙනකු සහ සැකකරුවකු පෙනී සිටීමට නියමිතව තිබේ.
බන්ධනාගාර දෙපාර්තමේන්තුව නිවේදනය කරන පරිදි වයස අවුරුදු 43 ක හා 46 ක සිරකරුවන් දෙදෙනෙකු හා වයස අවුරුදු 38 ක එල්.ටී.ටී.ඊ. විශේෂ ගණයේ සැකකරුවෙකු ද උසස් පෙළ විභාගයට පෙනී සිටීමට නියමිත ය.
ඔවුන්ට නව මැගසින් බන්ධනාගාරයේ පිහිටුවා ඇති විභාග මධ්යස්ථානයේ දී විභාගයට මුහුණ දීම සඳහා අවශ්ය පහසුකම් සලසා ඇති බව බන්ධනාගාර මූලස්ථානය සඳහන් කරයි.
විවිධ චෝදනාවලට ලක් වී බන්ධනාගරගතව සිටින සිරකරුවන් , සැකකරුවන්, පුනරුථාත්පන සංකල්පය සාක්ෂාත්කර ගැනීම සඳහා විශේෂ හැකියාවන් සහිත සිරකරුවන්, සැකකරුවන් උසස් අධ්යාපන කටයුතුවලට යොමු කරවමින් යහපත් පුරවැසියන් ලෙස සමාජගත කිරීම බන්ධනාගාර දෙපාර්තමේන්තුවේ ප්රධාන අරමුණකි.
ඒ අනුව, රටේ පවතින කොවිඩ් වසංගතය හමුවේ වුවද එම පුනරුත්ථාපන ක්රියාවලිය මඟ නොහැර නේවාසිකයින්ගේ ඉදිරි අනාගතය සාර්ථක කර ගැනීම සඳහා ඔවුන් යොමු කිරීම හා ඊට අවශ්ය පහසුකම් සලසා දීම බන්ධනාගාර දෙපාරතමේන්තුවේ පුනරුත්ථාපන අංශයේ විශේෂ කාර්ය භාර්යයක් ලෙස එම දෙපාර්තමේන්තුව සළකයි.
