සිගරට් බද්ද පනවා ඇති ක්රමය නිසා ඉන් රජයට වඩා ආදායම් ලබන්නේ සිගරට් කොම්පැණ බව මුදල් කාරක සභාවේ සභාපති හර්ෂ ද සිල්වා අද ( 20) පාර්ලිමේන්තුවේ දි හෙළිදරවු කළේය.
ඔහු ප්රකාශ කළේ වහාම මේ බදු ක්රමය වෙනස් විය යුතු බවය. ඒ සම්බන්ධව තියුණු සංවාදයක් ඇති විය යුතු බවය. සිගරට් මිල වැඩි කිරීම හේතුවෙන් බීඩි බොන්නට මිනිසුන් පෙළඹෙනන බවට නිලධාරීන් පැමිණ කියන අතාර්කික කතා පසෙක ලා සෞඛ්ය සහ ආර්ථික වාසියක් රටට ලැබෙන සේ මෙම බද්ද සංශෝධනය විය යුතු බව ඔහු පැවසුවේය.
හර්ෂ ද සිල්වා පාර්ලිමේන්තුවේ දී පැවසුවේ මෙවැන්නකි.
“සිගරට් බද්ද සංශෝධනය කරන්න දුන්නේ නෑ. තර්කානුකූලව විශ්ලේෂණය කරන්න කියලා අපි කිව්වා. අයවැය පනත සංශෝධනය කරගන්න අවශ්ය නිසා අපි ඒක සම්මත කළා.”
“සිගරට් බද්ද ගහන විදිහ වැරදියි. ලෝක සෞඛ්ය සංවිධානයත් පිළිගත්ත දෙයක් තියනවා. සිගරට් එකක් විකුණන කොට සියයට 75ක බද්දක් වදින්න ඕන කියලා.
මේ බද්ද වසර කිපයක් තිස්සේ පහළට එමින් තිබෙනවා.”
“නමුත් මේක හරියට විශ්ලේෂණය කරගත්තෙ නැති නිසා ආයතනවලට ලැබෙන ලාභය අති විශාලයි ආණ්ඩුවට ලැබෙන ආදායමට වඩා. ඉතින් ඒ නිසා මම යෝජනා කරනවා… සම්පූර්ණයෙන් අලුතින් හිතන්න සිගරට්වලට ගහන බද්ද සම්බන්ධයෙන්. ”
“ඒක අපි මෙතන සාකච්ඡා කළා. ආණඩුවෙන් පෙන්වා දුන්නා උද්ධමනයට තව සියයට 4ක් එකතු කරලා තමයි මේ බද්ද ගහන්නෙ කියලා. ඒ කියන්නෙ ඒ ගොල්ල කියනවා උද්දමනය 1.4යි. 4 කියන්නේ ඉලක්කමක් ඉදිරිපත් කරනවා නිසි තර්කයක් නැතිව. දැන් මේ බද්ද 5.9%කට ගහලා තියනවා. සිගරට් ඔක්කොටම එක බද්ද. මේ එක බද්ද ගහනකොට විෂමතාවයක් නිර්මාණය වෙනවා ඉබේම. ”
“එහෙම වෙනකොට කොම්පැණිය අලුත් සිගරට් ඉදිරිපත් කරලා ඒවට කට්ටිය අල්ල ගන්නවා. මොකද නැතිනම් බීඩි බොන්න ඒ කට්ටිය නැඹුරු වෙනවා කියලා තර්කයක් අරන් එනවා.”
“මම යෝජනා කරනවා මුදල් කමිටුව හැටියට අපි මේක සම්මත කළේ අයවැය පාස් කරගන්න තියන අවශ්යතාවය නිසා. නැතිව වෙන මොකවත් නිසා නෙමෙයි. අපිත් සහභාගී වෙන්නම්. මේ සිගරට් බද්ද පැනවීම සම්බන්ධව පාර්ලිමේන්තුවේ තීරණයක් ගන්න ඕන කියන එක තමයි මගේ යෝජනාව.”
මේ අවස්ථාවේ දී මුදල් නියෝජ්ය ඇමති හර්ෂණ සූරියප්පෙරුම ප්රකාශ කළේ අය – වැය සම්මත කරගැනීම සඳහා සිගරට් බද්දේ සංශෝධනයට අවසර දුන් බව කියන ප්රකාශය නිවැරදි නොවන බවය. කමිටුවක් විසින් ලබාදුන් අනුමැතියට අදාලව එම බද්ද පැනවීමේ එකඟතාවයට පැමිණි බවය.
