සෞඛ්ය අමාත්යාංශයේ බිම් මහලේ අංක 07 දරන කාමරයේ තමන්ගේ නිල කාර්යාලයක් පවත්වාගෙන ගිය රජයේ වෛද්ය නිලධාරීන්ගේ සංගමය විසින් වෛද්යවරයෙක් නොවන පුද්ගලයෙක් එහි සේවයේ යොදවා තිබීම පිළිබඳව කරන විමර්ශනයට අදාලව එම කාර්යාලයට අනුයුක්ත කර සිටි වෛද්යවරුන් සිවු දෙනෙක් වහාම ක්රියාත්මකවන පරිදි ස්ථාන මාරු කර තිබේ.
එවකට සිටි සෞඛ්ය ලේකම්වරුන්ගේ අනුදැනුම සහ රැකවරණය සහිතව මෙම වෘත්තීය සමිති කාර්යාලය රජයේ වෛද්ය නිලධාරීන්ගේ සංගමය විසින් පවත්වාගෙන ගිය ද යහ පාලන රජයේ සෞඛ්ය ඇමති ධූරය දැරූ වෛද්ය රාජිත සේනාරත්න විසින් රජයේ සෞඛ්ය සේවයේ විශාල වෘත්තීය සමිති ප්රමාණයක් ඇති වටපිටාවක රජයේ වෛද්ය නිලධාරීන්ගේ සංමයට පමණක් වෘත්තීය සමිති කාර්යාලයක් අමාත්යාංශ පරිශ්රය තුළ පවත්වාගැනීමට ඉඩදීම පටිපාටි විරෝධී බව දන්වා එම කාර්යාලය ඉවත් කර තිබුණ ද පසුව පැමිණි අමාත්යවරුන්ගේ සහ ලේකම්වරුන්ගේ ආශීර්වාදයෙන් එම කාර්යාලය යළිත් අමාත්යාංශය තුළම ස්ථාපිත කර තිබේ.
ප්රශ්නය මතුවී අපරාධ පරීක්ෂණ දෙපාර්තමේන්තුව විසින් විමර්ශනයක් ආරම්භ කර තිබුණේ මෙම කාර්යාලයේ සේවය කළ වෛද්යවරයෙක් නොවන පුද්ගලයෙක් ගැනය.
වසර 10ක් තිස්සේ ආයතනයේ පරිගණක භාවිතා කරමින්, වෛද්ය මාරු මණ්ඩල වැනි තීරණාත්මක ස්ථානවල පෙනී සිටිමින්, යම් වැටුපක් ලබමින් සිටින මේ වෛද්යවරයෙක් නොවන පුද්ගලයා යොදවා ඇත්තේ රජයේ වෛද්ය නිලධාරීන්ගේ සංගමය විසින් එවකට සිටි සෞඛ්ය ලේකම්වරයාගේ ලිඛිත අවසරයක් මත බව ද අනාවරණය වී ඇත.
සෞඛ්ය අමාත්යාංශය එම කාර්යාලයේ සේවය කළ වෛද්යවරුන් 04 දෙනා ස්ථාන මාරු කර ඇත්තේ මේ විමර්ශන ආරම්භ වීමත් සමගය.
මෙම වෛද්යවරුන් 4 දෙනාගෙන් 2ක් මහරගම අපේක්ෂා රෝහල වෙතත් එක් වෛද්යවරයෙක් කළුබෝවිල ශික්ෂණ රෝහල වෙත සහ අනෙක් වෛද්යවරයා කොළඹ ජාතික රෝහල වෙතට ද ස්ථානමාරු ලබා දී ඇතැයි වාර්තාවේ.
මෙම වෛද්යරුන් ස්ථානමාරු කිරීම හේතුවෙන් රජයේ වෛද්ය නිලධාරීන්ගේ සංයේ සාමාජිකයින් විධායක සභාව තුලදී ප්රශ්න කර ඇති බව ද වාර්තා වේ.
