කීර්ති ප්රනාන්දු –
ශ්රී ලංකා සන්නද්ධ හමුදා ප්රධානීන් තිදෙනෙක් ඇතුළු තවත් පුද්ගලයෙක් සඳහා එක්සත් රාජධානිය විසින් සම්බාධක පැනවීම ඔවුන් විසින් ගන්නා ලද ඒක පාර්ශවික තීරණයක් බව ශ්රී ලංකා රජය අවධාරණය කරන්නේ යැයි විදේශ කටයුතු ඇමති විජිත හේරත් අද (26) ශ්රී ලංකාවේ බ්රිතාන්ය මහකොමසාරිස් ඇන්ඩෲ පැට්රික් වෙත දැනුම් දී තිබේ.
එම සම්බාධක පැනවීම සම්බන්ධව ප්රතිචාර දැක්වීම සඳහා විදේශ රැකියා සහ සංචාරක අමාත්යාංශය වෙත කැඳවූ බ්රිතාන්ය මහකොමසාරිස්වරයාට රජය දන්වා ඇත්තේ රටවල් විසින් ගනු ලබන මෙවැනි ඒක පාර්ශවික පියවර ශ්රී ලංකාවේ දේශීය සංහිඳියා ක්රියාදාමයට කිසිදු සහයක් නොදක්වන බවය.
මෙවැනි ක්රියාවලීන් මගින් තත්ත්වය තවත් ව්යාකූලවන බව නිරීක්ෂණය කර ඇතැයි ද රජව සහකොමසාරිස්වරයා වෙත දන්වා තිබේ.
වගවීම සහ සංහිඳයාව පිළිබඳ දේශීය යාන්ත්රණ ශක්තිමත් කිරීමේ ක්රියාවලියෙහි රජය නිතර වී සිටින අතර අතීතයේ සිදුවූ යම් මානව හිමිකම් උල්ලංඝනය කිරීම් ඇතොත් ඒවා පිළිබඳ ක්රියා කළ යුත්තේ දේශීය වගවීම් යාන්ත්රණයක් හරහා බව ද රජය දන්වා ඇත.
