ශ්රියානි විජේසිංහ –
විෂයභාර ඇමතිවරයා හෝ තැපැල්පතිවරයා සාකච්ඡාව සඳහා ලිඛිතව ඇරයුම් කරන්නේ නම් වැඩ වර්ජනය නතර කර හෝ සාකච්ඡාවට පැමිණීමට තමන් සූදානම් බව ඒකාබද්ධ තැපැල් වෘත්තීය සමිති පෙරමුණේ සම කැඳවුම්කරු චින්තක බණ්ඩාර පවසා සිටියි.
මීට සුලු මොහොතකට පෙරත් තැපැල්පතිවරයා සමඟ සාකච්ඡාවට සූදානම් බව පවසමින් ඒ පිලිබඳව ලිඛිත දැනුම් දීමක් කරන ලෙස ඉල්ලා සිටි නමුත් ඔහු එම ඉල්ලීම ප්රතික්ෂේප කළ බව සම කැඳවුම්කරු පැවසුවේය.
මේ අනුව සාකච්ඡාවට වෘත්තීය සමිති සූදානම් බව සඳහන් කරමින් තැපැල්පතිවරයා ලිඛිතව ඉල්ලීමක් කිරිමට කටයුතු කරන බවද චින්ත බණ්ඩාර කීවේය.
වැඩ වර්ජනය නතර කර සාකච්ඡාවට පැමිණෙන මෙන් විෂයභාර ඇමතිවරයා ලිඛිතව දැනුම් නොදී පාර්ලිමේන්තුව තුළ පමණක් ප්රකාශ නිකුත් කරන බව හෙතෙම සඳහන් කළේය.
තැපැල් දෙපාර්තමේන්තු පාඩු ලබන ආයතනයක් බැවින් හා පාඩුලබන ආයතන විකුණීම නැතිනම් ප්රතිව්යුහගත කල යුතු බව IMF එක ප්රකාශ කර තිබෙන බැවින් වත්මන් රජය සූදානම් වන්නේ ඒ සඳහා දැයි සැකයක් මතු වී තිබෙන බව හෙතෙම සඳහන් කළේය.
මේ සම්බන්ධව අනෙක් රාජ්ය ආයතන වෘත්තීය සමිති දැනුවත් කිරිමට කටයුුතු කරන බවද සම කැඳවුම්කාරවරයා කීවේය.
කෙසේ නමුත් මධ්යම තැපැල් හුවමරුව ඉදිරිපිටදී ඊයේ (22) උදෑසන ආරම්බ කල සත්යග්රහයට තැපැල් දෙපාර්තමේන්තුවේ සියලුම වෘත්තීය සමිතිවලට අමරතව පිටස්තර වෘත්තීය සමිති 15ක සාමාජිකයන් සහභාගි වූ අතර එය පැය දෙකක පමණ කාලයකට සීමා කල බව ද වාර්තා වේ.
