ඉදිරි ජනාධිපතිවරණයේදී තමන්ට සහාය දැක්වීමට ඉදිරිපත්ව සිටින පළාත් සභා හා පළාත් පාලන ආයතනවල හිටපු මහජන නියෝජිතයින් ඇතුළු සියලුදෙනාගේ දේශපාලන අනාගතය සුරක්ෂිත කිරීමට කටයුතු කරන බව ජනාධිපති රනිල් වික්රමසිංහ පැවසීය.
ජනාධිපතිවරයා මේ බව සඳහන් කර සිටියේ මහනුවර ඕක් රේ රීජන්සි හෝටලයේ අද (10) සංවිධානය කර තිබු හිටපු පළාත් පාලන ආයතන ප්රධානීන්ගේ සංසදයේ විශේෂ හමුවට එක් වෙමිනි.
රටේ ආර්ථිකය ඉදිරියට ගෙන යාම වෙනුවෙන් ජනාධිපතිවරයා ආරම්භ කර ඇති වැඩපිළිවෙළ මෙහිදි අගය කළ හිටපු පළාත් පාලන ආයතන ප්රධානීන් ඉදිරි ජනාධිපතිවරණයේ දී ජනාධිපතිවරයාගේ ජයග්රහණය තහවුරු කිරිමට කැපවන බවට ද සහතික වුහ.
හිටපු පළාත් පාලන ආයතන ප්රධානීන්ගේ සංසදයේ යෝජනා ඇතුළත් ලේඛනයක් ද මෙහිදී ජනාධිපතිවරයා වෙත පිළිගන්වනු ලැබීය.
අමාත්ය ප්රසන්න රණතුංග, රාජ්ය අමාත්යවරුන් වන ලොහාන් රත්වත්තේ, අනුරාධ ජයරත්න, ජානක වක්කුඹුර, හිටපු අමාත්ය මනුෂ නානායක්කර මහින්දානන්ද අලුත්ගමගේ ඇතුළු පිරිසක් ද මෙම අවස්ථාවට එක්ව සිටියහ.
