ජනාධිපති ගෝඨාභය රාජපක්ෂ විසින් හෙට (23) කැඳවා ඇති සර්ව පාක්ෂික සමුළුවට සියලු දේශපාලන පක්ෂ එක් කරගැනීම සඳහා හිටපු ජනාධිපති මෛත්රීපාල සිරිසේන ඊයේ (21) රාත්රියේ සිට පුළුල් ව්යාපෘතියක් අරඹා ඇත.
සර්ව පාක්ෂික සමුළුවට සහභාගී වීම ආණ්ඩුවේ සහ විපක්ෂ දේශපාලන පක්ෂ බොහෝමයක් ප්රතික්ෂේප කිරීමෙන් පසු ජනාධිපති සහ අගමැතිගේ උපදෙස් පරිදි මෙම ව්යාපාරය මෛත්රීපාල සිරිසේන විසින් ආරම්භ කර ඇතැයි විශ්වාස කටයුතු ආරංචි මාර්ග හෙළි කරයි.
හිටපු ජනාධිපතිවරයාගේ කණ්ඩායම සර්වපාක්ෂික සමුළුව වර්ජනය කිරීමට තීන්දු කළ ආණ්ඩු පක්ෂයේ ඇතැම් පක්ෂ නායකයින් සහ ප්රධානීන් පුද්ගලිකව හමුවී ඔවුන් සමග සාකච්ඡා කර ඇත.
එමෙන්ම මෙම සමුළුව ශ්රී ලංකා නිදහස් පක්ෂයේ උවමනාවකට කැඳවන බැවින් එය ශ්රී ලංකා නිදහස් පක්ෂයේ වැඩක් සේ සලකා ඊට එක්වන ලෙස හිටපු ජනාධිපතිවරයා දේශපාලන පක්ෂ නායකයින්ගෙන් ඉල්ලීම් කර තිබේ.
මේ අතර විපක්ෂයේ පක්ෂ නායකයින් සමග දුරකථන සහ වෙනත් ක්රම ඔස්සේ කතා කර මෙම ඉල්ලීම කර ඇති බව ඉතා විශ්වාස කටයුතු ආරංචි මාර්ග වැඩිදුරටත් සඳහන් කරයි.
