දැඩි මානසික ආතති තත්ත්වයක් දරාග ගත නොහැකිව සිත් තැවුලට පත් විශ්වවිද්යාල සිසුවෙකු සිය දිවි හානිකරගෙන තිබේ.
මෙලෙස සියදිවි හානිකරගෙන ඇත්තේ සබරගමුව විශ්වවිද්යාලයේ තාක්ෂණික ඉංජිනේරු පීඨයේ දෙවැනි වසරේ අධ්යාපනය හැදෑරු චරිත් දිල්ශාන් නම් 23 හැවිරිදි සිසුවෙකි.
පසුගිය කාලය තුළ සබරගමුව සරසවියේ දෙවැනි වසරේ අධ්යාපනය ලබන තාක්ෂණික ඉංජිනේරු පීඨයේ සිසුන් සඳහා දේශන පවත්වා ඇත්තේ මාර්ගගත ක්රමය ඔස්සේය. හේතුව සරසවිය තුළට කැඳවා දේශන පැවැත්වීමට අවශ්ය භෞතික පහසුකම් අඩු වීමය. සෑහෙන කලකට පසු සිසුන් එක් වී තිබෙන්නේ පසුගිය 27 පැවැති අවරුදු උත්සවය සඳහාය. අවුරුදු උත්සවයෙන් පසුව රාත්රියේ නේවාසිකාගාරයේ ගත කළ සිසුවා පසුදින එනම් 28 වැනි දින ගම්පොල ඉහළගම පිහිටි සිය නිවස වෙත පැමිණ තිබුණි.
එලෙස පැමිණි ඔහු සිය දිවි නසාගෙන ඇත්තේ අප්රේල් 29 වැනිදා සවස ය.
මේ වනවිට සිදුකරන විමර්ශනවලින් අනාවරණය වී ඇත්තේ සිසුවා සිය දිවි නසාගෙන ඇත්තේ නවක වද සිද්ධියක් නිසා නොව ඔහු පෙළන ලද බරපතල විශාදය තත්ත්වය හේතුවෙන් බවය. ඔහු මේ තත්ත්වය පැහැදිලි ලෙස ලිපියකින් ලියා තබා ඇත.
හද කම්පා කරවන එම ලිපියේ දැක්වෙන්නේ ඔහු විශාදය තත්ත්වය ස්වයංව පාලනය කරගෙන ජීවිතය දරා ගැනීම සඳහා සිදුකළ සටනය. මේ දරුවා නිසි ප්රතිකාර සඳහා යොමු කළ හැකි පරිසරයක් විශ්වවිද්යාලය තුළ තිබුණා නම්, ඔහුගේ සරසවි සගයින් අතර සිටියා නම් ඔහුගේ ජීවිතය ගලවා ගත හැකිව තිබිණි.
දෙවැනි වසරේ සිසුවෙකුට නවක වදය ලබා දීමේ සම්ප්රදායක් සරසවි තුළ නැත. නවක වදය බිහිසුණු අපරාධයක් වුවද නවක වදයට ලක් වන්නේ සරසවියට ආධුනික පළමු වසරේ සිසුන්ය.
