ශ්රියානි විජේසිංහ –
අත්යවශ්ය ඖෂධ නොමැති වීමෙන් දිනපතා රෝගීන් මිය යන නමුත් එය සටහන් වනනේ ස්වාභාවික මරණයක් ලෙස යැයිද මෙය ඖෂධ නොමැතිවීමෙන් සිදු වූ මරණයක් ලෙස සටහන් කිරිමේ ක්රියා පටිපාටියක් වෛද්යවරුන් විසින් ආරම්භ කළ යුතු කාලය එළඹ ඇතැයි ද විශේෂඥ වෛද්ය අජිත් අමරසිංහ සඳහන් කරයි.
අත්යවශ්ය ඖෂධ නොමැතිකමෙන් මෙන්ම ප්රමිතියෙන් බාල ඖෂධ රෝගීන් භාවිත කිරිම හේතුවෙන් තවක් වසර දෙක තුනක් යන විට දියවැඩියාව, අධිරුධිරපීඩනය , හෘදයාබාධ ඇතුලු බෝනොවන රෝගයන් නිසා මිය යන පිරිස විශාල ලෙස වැඩි විය හැකි බව විශේෂඥවරයා පවසයි.
අත්යවශය අවශ්ය නොමැති වීමෙන් මිය යන පුද්ගලයින්ගේ මරණයන් සම්බන්ධයෙන් වත්මන් සෞඛ්ය බලධාරින් වගකිව යුතු යැයිද හෙතෙම පෙන්වාදේ.
මේ වසර තුළදී ඖෂධ වෙනුවෙන් රුපියල් බිලියන 432ක් වෙන් කර තිබූ නමුත් අත්යවශ්ය ඖෂධ වෙනුවට අත්යවශ්ය නොවන ඖෂධ ගෙව්වීම හේතුවෙන් මේ වන විට රෝහල්වල අත්යවශ්ය ඖෂධ 150ක පමණ හිඟයක් පවතින බව ද වෛද්ය අමරසිංහ අවධාරණය කරයි.
මෙසේ ඖෂධ හිඟවීමට ප්රධාන හේතුව අත්යවශ්ය ඖෂධ මොනවද යන්න පිලිබඳව විශේෂඥ කමිටු රැස්කර අවශ්ය උපදෙස් ලබා නොගෙන හිතුමතේට ඖෂධ ගෙන්වීම යැයිද විශේෂඥ වෛද්ය අමරසිංහ සඳහන් කරයි.
