කීර්ති ප්රනාන්දු –
සමගි ජන බලවේගයේ ආධාර කරුවෙක් ජාතික ජන බලවේගයේ ආධාර කරුවෙකුගේ නිවසට ගොස් ඔහුට කඩුවෙන් කොටා තුවාල සිදුකිරීමේ සිද්ධියක් සම්බන්ධව අත් අඩංගුවට ගෙන රක්ෂිත බන්ධනාගාර ගත කර ඇතැයි මිනුවන්ගොඩ පොලිසිය පවසයි.
කඩු පහර කා තුවාල ලබා ඇත්තේ වේයන්ගොඩ එස්සැල්ලෙහි පදිංචි ලක්ෂ්මන් රාජපක්ෂ ගලප්පත්ති නැමැත්ති 62 හැවිරිදි පුද්ගලයෙකි. අපරාධයට අත් අඩංගුවට ගෙන රක්ෂිත බන්ධනාගාර ගත කර ඇතතේ රංගල්ල දේවගේ කැලුම්සිරි නැමැති 40 හැවිරිදි තැනැත්තෙකි.
පොලිසිය පවසන පරිදි සිද්ධිය මෙසේය.
පෙරේදා ( 24 ) රාත්රී 11ට පමණ කඩුවක් ද සහිතව ජාතික ජන බලවේගේ ආධාර කරුගේ නිවසට පැමිණි මෙම සමගි ජන බලවේග ආධාරකරු නිවැසියා සමග ගැටුමක් ඇති කරගෙන තිබේ.
පොලිිසය පවසන පරිදි සිද්ධියට හේතුව දේශපාලන කාරණාවකි. බහින්බස් වීම අතර කඩුව සහිත සමගි ජන බලවේග ආධාරකරු අනෙක් පුද්ගලයාට කඩුවෙන් කොටා ඇත. ඔහු කඩු පහර වැලැක්වීමට අත ඉදිරියට ගෙනෙන විට කඩු පහරින් එම පුද්ගලයාගේ අත්ල ප්රදේශය කැපී ගොස් ඇත
එදින රාත්රියේම තුවාලකරු රෝහල් ගත කර තිබේ. සිද්ධිය සම්බන්ධව මිනුවන්ගොඩ පොලිසියට පැමිණිල්ලක් ද වින්දිත පාර්ශවය විසින් සිදුකර ඇත. මිනුවන්ගොඩ පොලිස් නිලධාරීන් සැකකරුවාගේ නිවසට ගොස් ඔහු අපරාධය සඳහා යොදා ගත් කඩුව ද සමග සැකකරුව අත් අඩංගුවට ගෙන මිනුවන්ගොඩ අධිකරණයට ඉදිරිපත් කර ඇත.
අධිකරණය අපරාධකරු දින හතක් රක්ෂිත බන්ධනාගාරගත කර ඇත. කඩු පහර ලද තුවාලකරු ප්රතිකාර ගැනිමෙන් අනතුරුව ඊයේ සවස රෝහලින් පැමිණ තිබේ.
මිනුවන්ගොඩ පොලිස් ස්ථානාධිපති ප්රධාන පොලිස් පරීක්ෂක එන්.පී.එන්. ජයලත්ගේ මෙහෙයවීම යටතේ මිනුවන්ගොඩ පොලිසිය පරීක්ෂණ පවත්වයි.
