ශ්රී ලංකාව සහ එංගලන්තය අතර පැවැත්වෙන තරග 03කින් යුත් එක්දින තරගාවලියකට සහ තරග 03කින් යුත් විස්සයි 20 තරගාවලියකට සහභාගී වීම සඳහා එංගලන්ත ක්රිකට් කණ්ඩායම අද උදේ ශ්රි ලංකාවට පැමිණියේය.
නිලධාරීන් සහ ක්රීඩකයින්ගෙන් 28 දෙනෙකුගෙන් සමන්විත එංගලන්ත ක්රිකට් කණ්ඩායම අද උදෑසනය 08.20ට ඩුබායි සිට එමිරේට්ස් ගුවන් සේවයේ ගුවන් යානයකින් කටුනායක ගුවන් තොටුපොළ වෙත පැමිණියේය.
එංගලන්ත කණ්ඩායම ගුවන්තොටුපලේ දී උත්කර්ෂවත් අන්දමින් පිළිගනු ලැබීය. එම අවස්ථාවට ශ්රී ලංකා ක්රිකට් ආයතනය, ශ්රී ලංකා සංචාරක ප්රවර්ධන කාර්යාංශයේ නිලධාරීන් ඇතුළු පිරිසක් එක්ව සිටියේය.
එංගලගන්ත කණ්ඩායමක් ශ්රී ලංකාවේ සංචාරයක නිතරවන්නේ වසර 7කට වැඩි කාලයකට පසුවය.
ශ්රී ලංකාව සහ එංගලන්තය අතර තරග ආරම්භ වන්නේ එක්දින තරගාවලියෙනි. එම තරග ජනවාරි 22, 24 හා 27 දිනවලදී පැවැත්වේ.
ඉන් අනතුරුව තරග තුනකින් යුත් විස්සයි20 තරගාවලිය ජනවාරි 30 හා පෙබරවාරි 01, 03 දිනවල පැවැත්වේ.
එංගලන්ත කණ්ඩායම 2018 වසරේ දී කළ ශ්රී ලංකා සංචාරයේ දී එක්දින තරගාවලිය 3-1 ක් ලෙස ජයග්රහණය කළේය. ඒ තරගාවලියේ පැවති එකම විස්සයි 20 තරගයත් ඔවුහු ජයගත්හ.
දෙරට අවසන් වරට විස්සයි20 තරගයකදී හමු වූයේ 2022 විස්සයි20 ලෝක කුසලාන තරගාවලියේදීය. එහිදී ද ශ්රී ලංකා කණ්ඩායමට පරාජය හිමි විය.
