-
දෙසැම්බරයේ කැඳවූ දූත මණ්ඩල ප්රධානීන් 16 දෙනා වෙනුවට පත් කර ඇත්තේ 08යි.. තවත් පත්වීම් 08ක් මාස 06ක් ගෙවුනත් සිදුකර නෑ…
ශ්රී ලංකාවේ විදේශ සේවය දේශපාලනීකරණය නොකරන බවට මැතිවරණ පූර්ව පොරොන්දු ලබා දෙමින් බලයට පත් වූ මාලිමා ආණ්ඩුව පසුගිය වසරේ දෙසැම්බර් මාසයේදී ශ්රී ලංකා දූත මණ්ඩල ප්රධානීන් 16 දෙනාම කැඳවූ නමුත් වසරේ අඩක් ගතවී ඇතත් තවම පත් කර ඇත්තේ 08 දෙනෙක් පමණක් බවත් එම සිදුකළ පත්කිරීම් 08න් 07ක් ම දේශපාලන පත්වීම් බවත් ඩේලිමිරර් වාර්තා කරයි.
දූත මණ්ඩල ප්රධානීන් පත්කිරීම් 08ක් මේ වනවිටත් පුරප්පාඩුව පවත්වා ගැනීමත් මේ රජයෙන් බලාපොරොත්තු නොවූ තමන් ප්රකාශ කළ ප්රතිපත්ති විරෝධී හැසිරීමත් මේ වනවිට වෘත්තීය රාජ්ය තාන්ත්රිකයන් අතර බලවත් කලකිරීමක් ඇතිකර ඇතැයි එම පුවත අනාවරණය රයි.
ඩේලි මිරර් වාර්තාව අනුව එක්සත් රාජධානිය, ජපානය, දකුණු අප්රිකාව සහ එක්සත් අරාබි එමීර් රාජ්යය (UAE) වැනි ප්රධාන රටවල ශ්රී ලංකා දූත මණ්ඩල සඳහා දේශපාලන පත්වීම් සිදු කර ඇත. සේවයෙන් පිටත සිට පත්වීම් සිදු කර ඇති අනෙක් රටවල් දෙක කියුබාව සහ පකිස්ථානයයි. හිටපු අගවිනිසුරු ජයන්ත ජයසූරිය නිව්යෝක්හි එක්සත් ජාතීන්ගේ ස්ථිර නියෝජිතයා ලෙස පත් කර තිබේ.
පසුගිය රජයන් කැමැත්තෙන් දේශපාලන පත්වීම් සිදු කළ අතර, බොහෝ විට දේශපාලනඥයින්ගේ ඥාතීන් – පුතුන්, දියණියන්, ලේලියන් සහ සහෝදර සහෝදරියන් එම තනතුරු සඳහා තෝරාගෙන තිබිනි. කෙසේ වෙතත්, නව රජය රාජ්ය තාන්ත්රික තනතුරු සඳහා ආණ්ඩුවේ දේශපාලනඥයින්ගේ ඥාතීන් තෝරාගෙන නොමැති නමුත් තොරා පත් කර යවා ඇත්තේ පක්ෂ හිතවාදීන් වීම ගැන විවේචනයක් ඇති වී තිබේ.
එමෙන්ම මාස හයකට පසුවත් මැලේසියාව, කෙන්යාව, ඕමානය, නේපාලය, සීෂෙල්ස්, ඉරානය, සහ ඉන්දුනීසියාවේ ශ්රී ලංකා දූත මණ්ඩල දූත මණ්ඩල ප්රධානීන් පත් කර නොමැති අතර එම මණ්ඩල ක්රියාත්මක වන්නේ ප්රධානියෙකුගෙන් තොරවය.
විදේශ සේවයට බඳවා ගැනීම් නොමැතිකම හේතුවෙන් විදේශ අමාත්යාංශයේ සියලුම දූත මණ්ඩල සහ විවිධ අංශ පවත්වාගෙන යාමට ප්රමාණවත් රාජ්ය තාන්ත්රිකයින් සොයා ගැනීමට ද රජයට අපහසු වී ඇත.
පසුගිය වසරේ බඳවා ගත් කණ්ඩායමක් තිබුණි. ඊට පෙර, අවසන් බඳවා ගැනීම සිදු කරන ලද්දේ වසර තුනකට පෙර වර්ෂ 2018 දී ය.
