-
නව පනතින් විදුලිබල ක්ෂේත්රය දේශපාලනීකරණය වී ඇතැයි කියන්නේ කඩාකප්පල් කාරයින්!
විදුලි සේවකයන් විසිහතරදහසම නඩු දැම්මත් නව විදුලිබල පනත හකුලා නොගන්නා බව විදුලි බල හා බලශක්ති ඇමති කාංචන විජේසේකර පවසයි.
ඔහු අද (19) ප්රකාශ කළේ වැඩි පිරිසක් අධිකරණයට යෑමෙන් වඩාත් හොඳ පනතක් නිර්මාණය කිරීමේ හැකියාව බවය.
ඇමතිවරයා මේ බව ප්රකාශ කළේ කොළඹ 7 පිහිටි විදුලිබල හා බලශක්කි අමාත්යංශයේදී අද විශේෂ මාධ්ය හමුවක් කැඳවමිනි.
නව විදුලිබල පනත පාර්ලිමේන්තුව කැඳවීමෙන් පසුව පළමු අවස්ථාවේදීම පාර්ලිමේන්තුවට ඉදිරිපත් කරන බව කි ඇමතිවරයා එහි යම් ව්යවස්ථා හෝ නීති විරෝධී කරුණු ඇතුළත්ව තිබේ නම් පනත පාර්ලිමේන්තුවට ඉදිරිපත් කර දින 14 ක් තුළ ශ්රේෂ්ඨාධිකරණයේ නඩු පැවරීමේ අවස්ථාව ඕනෑම පුද්ගලයෙක්ට ඇති බව ද සඳ සඳහන් කළේය.
එහිදී ශ්රේෂ්ඨාධිකරණය කථානායකවරයාට යොමු කරන නිර්දේශ සම්බන්ධයෙන් කටයුතු කරන බව ඇමතිවරයා පැවසුවේය.
පනත පිළිබඳව යෝජනා ඉදිරිපත් කිරීමට දුන් කාලයේදී දේශපාලඥයන් ලෙස හිටපු ජනාධිපති මෛත්රීපාල සිරිසේන, හිටපු අමාත්ය විමල් වීරවංශ සහ පාර්ලිමේන්තු මන්ත්රී චරිත හේරත් පමණක් යෝජනා යොමු කර තිබූ බව කී ඇමතිවරයා . නව පනතින් විදුලිබල ක්ෂේත්රය දේශපාලනීකරණය වී ඇතැයි කියන පාර්ශව කඩාකප්පල්කාරීන් බව අවධාරණය කළේය.
දේශපාලන බලපෑම් දිරියට ගෙන යෑමට නම් දැනට පවතින 2009 විදුලිබල පනත වඩාත් යෝග්ය බවත් ඔහු කීවේය.
