කීර්ති ප්රනාන්දු –
වැලිසර රිය අනතුර සිදුකළ 16 හැවිරිදි සිසුවා සහ ඔහුගේ පියා ලබන 19 දක්වා දින 14ක් රක්ෂිත බන්ධනාගාරගත කිරීමට වැලිසර මහේස්ත්රාත් හේෂාන්ද මැල් අද ( 05) නියෝග කළේය.
මෙසේ බන්ධනාගාරගත කරනු ලැබුවේ නොම්බර 71 ඒ, ශාන්ත මරියා පාර, වැලිසර, මහබාගෙ ලිපිනයේ පදිංචි මොහොමඩ් රක්සාන් අබ්දුල්ලා (16) සහ බස්තියන් නෙස්ප්රිගේ සුරංජිත් චන්ද්රලාල් නොහොත් මොහොමඩ් අබ්දුල් (47) යන පිය පුතු දෙපළය.
මෙම දරුවා පදවාගෙන ගොස් අනතුර සිදු කර තිබුණේ KS – 4893 දරන කළු පැහැති මොන්ටෙරෝ ස්පෝර්ට්ස් – මිට්ෂුබිෂි වර්ගයේ අධි සුඛොපභෝගී ජිප් රථයකි.
මහබාගේ පොලිසිය විසින් අනතුර සිදුකළ සිසුවාට එරෙහිව රියදුරු බලපත්රයක් නොමැතිව රිය පැදවීම, අපරික්ෂාකාරී ලෙස රිය පදවා අනතුරක් සිදුකිරීම, අනතුරක් සිදුකර බරපතල තුවාල සිදුකිරීම, මරණයට පත් කිරීම යන ( ලංකා දණ්ඩ නීති සංග්රහයේ 298 329, 328 මෝටර් වාහන පනතේ 151/3, 149/1, 123/1 අ) චෝදනා යටතේත් පියාට එරෙහිව රියදුරු බලපත්රයක් රහිත බාලවයස්කාර අයෙක් සේවයේ යෙදවීම (ලංකා දණ්ඩ නීති සංග්රහයේ 298 329, 328 මෝටර් වාහන පනතේ 298 123/1 අ) චෝදනාව යටතේත් නඩු පවරා තිබිණි
මහේස්ත්රාත්වරයා සිද්ධිය පිළිබඳ දැඩිව අවධාරණය කර මෙම රිය අනතුර පොල්ගහවෙල සිදුවූ අපරික්ෂාකාරී දුම්රිය – බස් රිය අනතුර හා සමාන බරපතල වරදක් බව දන්වමින් නීතිපතිවරයා වෙත අදාල නඩු ලිපිගොනුව යොමු කළේය.
මේ වනවිට මරණයට පත් පුද්ගලයාගේ යතුරුපැදියේ පසුපස ගමන් ගත් 16 හැවිරිදි පාසල් සිසුවා බරපතල තත්වයෙන් කොළඹ ජාතික රෝහලේ දැඩි සත්කාර ඒකකයේ ප්රතිකාර ලබමින් ඇත.
මහබාග පොලිසියේ ස්ථානාධිපති ප්රධාන පොලිස් පරීක්ෂක සුභාෂ් ප්රියදර්ශනගේ මෙහෙයවීමන් මහබාග පොලිස් ස්ථානයේ රථවාහන අංශයේ ස්ථානාධිපති පොලිස් පරීක්ෂක රමේෂ් නලින්දත ප්රනාන්දු පරීක්ෂණ පවත්වා වරදකරුවන් අත්අඩංගුවට ගෙන උසාවියට ඉදිරිපත් කර නීතිය ක්රියාත්මක කිරීමට කටයුතු කළේය
