පොලිස්පති ධූරය හිස් වී නැති බැවින් වැඩ බලන පොලිස්පතිවරයෙක් පත් කිරීමට නීතියේ ප්රතිපාදන නොමැති බව අගමැතිවරයා සිය කථාවේ ප්රකාශ කිරීමත් සභානායකවරයා එය තහවුරු කිරීමත් අත්තනෝමතික බොරුවක් බව දයාසිරි ජයසේකර පාර්ලිමේන්තු මන්ත්රීවරයා අද පාර්ලිමේන්තුවේ දී පෙන්වා දුන්නේය.
පූර්ව අත්දැකීම් මත පදනම්ව දයාසිරි ජයසේකර මන්ත්රීවරයා මෙසේ පැවසුවේය.
සුසිල් ප්රේමජයන්ත මැතිතුමා කිව්වා පොලිස්පති ධූරය හිස් වෙලා නැහැයි කියලා. මෙවැනිම තත්ත්වයක් අපට ඉතිහාසයේ තිබුණා. පූජිත් ජයසුන්දර මහත්මයවා අනිවාර්ය නිවාඩු ඇරියා. අනිවාර්ය නිවාඩු ඇරියම මොකද වුනේ. එතකොට පොලිස්පති ධූරය හිස් වෙලා නෑ.
එතකොට කවුද වැඩ බලන පොලිස්පති ලෙස සී.ඩී. වික්රමරත්න මහත්තයව පත් කළේ. එතකොට සී.ඩී. වික්රමරත්න මහත්මයාව පත් කළා. පත් කරලා එයා වැඩ බලාගෙන ගියා. පොලිස්පති ධූරය හිස් වෙලා තිබුණෙ නෑ එතකොට.
ඒ තර්කයත් මෙතෙන්ට අදාලයි. ඒ නිසා ජනාධිපතිවරයා ලෙස තමන්ට තමන්ගේ යුතුකම් කොටස කරන්න බැරිනම් එතුමා ඉවත් වෙලා අගමැතිවරයාට රට කරගෙන යන්න ඉඩ දිය යුතුයි.
