ශ්රියානි විජේසිංහ
වනසතුන්ගෙන් සිදුවන වගා හානි වළක්වා ගැනීම ගැන මින් පස්සේ අපෙන් අහන්න එපා. ඒ ගැන කොළඹ සීත කාමරවලට වෙලා සතුන් නිසා ලැබෙන ඩොලර්වලින් යැපෙන මේ සත්ව සුබසාධන සංගම්වල මහත්තුරුන්ගෙන් හා නෝනාමහත්තුරුන්ගෙන් අහන්න. යැයි කෘෂිකර්ම ඇමති මහින්ද අමරවීර සඳහන් කරයි.
වගාවන්ට සිදුවන වන සත්ව හානි වළක්වා ගැනීම සම්බන්ධව සියලුම පාර්ශවවලින් අදහස් හා යෝජනා ඉදිරිපත් කරන ලෙස අවස්ථා ගණනාවක දී ඉල්ලුම් කල අතර සමහර යෝජනා මෙතෙක් ක්රියාත්මක කර අසාර්ථක වූ යෝජනා බව ඇමතිවරයා පෙන්වා දේ.
වගා බිමෙන් කොටසක් සතුන් සදහා වෙන්කිරිම එක් යෝජනාවක් වන අතර මෙහිදී සතුන් එම කොටසේ පළදාව පමණක් ආහාරය සඳහා යොදා ගත යුතු බවට සිතීමේ හැකියාවක් නොමැති බවත් ඇතැමුන් වගාබිම වටකර සාරි එළීම හෝ තහඩු එළීම කළ හැකි බවද යෝජනා කර තිබුණු නමුත් ඒ සඳහා ගොවි ජනතාවට විශාල මුදලක් දැරීමට හැකියාවක් නොමැති බවද ඇමතිවරයා පෙන්වාදේ.
වාසෙක්ටමි, ටියුබෙක්ටමි වැනි වඳ සැත්කම් කළ යුතු යැයි තවත් යෝජනාවන් ඉදිරිපත් කර තිබූ නමුත් සතුන් අන්ත දුක් විඳ මරණයට පත් වෙන බව ද ඇමතිවරයා පවසා සිටින අතරම් සත්ව සුබසාධන සංගම්වලට අවශ්ය අපේ රටේ සත්තු පෙන්නා ඩොලර් අරන් ජීවත් වීමට පමණක් සදහන් කරයි.
මෙරට රිළවුන් චීනයේ සත්වෝද්යාන සඳහා ලබා දීමේ වැඩපිළිවෙළ පිළිබඳව නීතිමය වශයෙන් ඇතැම් පරිසර සංවිධාන විසින් ගෙන ඇති ක්රියාමාර්ග හේතුවෙන් දැනට එම වැඩපිළිවෙළ නැවතී ඇති . නමුත් චීනයේ පුද්ගලික සමාගමක් තවමත් එම සතුන් ලබා ගැනීම සදහා ඉදිරිපත් ව සිටින බව කෘෂිකර්ම අමාත්ය මහින්ද අමරවීර කියා සිටියි.
