මනම්පිටිය නිමල් ජයරත්න –
ලෝක සිරකරු දිනයට සමගාමීව පොළොන්නරුව රක්ෂිත බන්ධනාගාරයේ සිටි රැඳවියන් දාහතර දෙනකු නිදහස් කිරීම අද (12) පොළොන්නරුව රක්ෂිත බන්ධනාගාර පරිශ්රයේදී සිදුවිය.
උතුර මැද පළාතේ ප්රධාන අධිකරණ සංඝනායක, කදුරුවල ජයන්ති මහා විහාරාධිපති, පොළොන්නරුව බන්ධනාගාර සුභ සාධක උප කමිටුවේ සභාපති පූජ්ය කදුරුවෙල ධම්මපාල නාහිමියන් සහ පොළොන්නරුව බන්ධනාගාර සුභසාධක උප කමිටුවේ උප සභාපති, පොළොන්නරුව නවනගරය ශ්රී ගුණරතනාරාමාධිපති පූජ්ය අලුත්වැවේ පේමරතන යන නාහිමිවරුන්ගේ අනුශාසකත්වයෙන් මෙම අවස්ථාවට එක් වී සිටියහ.
පොළොන්නරුව බන්ධනාගාර අධිකාරී ප්රියන්ත නාලක ගේ අධීක්ෂණ යටතේ, මෙම රැඳවියන් නිදහස් කළ අතර, ඔවුන්ට ගමන් ගාස්තු ලබා දීමට පොළොන්නරුව, නව නගරයේ පදිංචි, ගුණරතනාරාමයේ දායක සභාවේ සභාපති, ව්යාපාරික කමල් අනුර කුමාර කටයුතු කළේය.
මෙම රැඳවියන් මහරගම, රත්නපුර, මාතලේ, අම්පාර මහඔය, බකමූණ, වැනි ප්රදේශවල පදිංචිකරුවෝ වෙති.
රඳවියන් නිදහස් කිරීම වෙනුවෙන් විශේෂ ආගමික වතාවත් පොළොන්නරුව රක්ෂිත බන්ධනාගාර පරිශ්රයේ සිදුකළ අතර අනුශාසනාවක් සිදුකරමින් කදුරුවෙල ධම්මපාල නාහිමියන් සඳහන් කළේ, නිදහස ලබන රැඳවියන් නිවෙස්වලට ගොස් තම පවුල්වලට මෙන්ම ඥාති මිත්රාදීන්ට සහ දූ දරුවන්ට ආදර්ශයක් වෙමින්, මින් ඉදිරියට නීති විරෝධී ක්රියාවලට සම්බන්ධ නොවි, ප්රදේශයේ පොදු වැඩ කටයුතුවලට දායකත්වය ලබාදී, ආගමානුකූලව තම ජීවිතය හැඩගස්වා ගෙන, වත් පිළිවෙත් පෝෂණය කරගනිමින් යහපත් ජීවිතයක් ගත කරන ලෙසය.
