මහජන විරෝධතා මධ්යයේ පසුගිය මාසයේ රටෙන් පලා ගිය හිටපු ජනාධිපති ගෝඨාභය රාජපක්ෂ ලබන සතියේ නැවත දිවයිනට පැමිණීමට අපේක්ෂා කරන බව විදේශ අමාත්ය අලි සබ්රි ඊයේ (17) සි.එන්.එන් වෙත තහවුරු කර තිබේ.
විදේශ අමාත්යවරයා පවසා ඇත්තේ ගෝඨාභයගේ නැවත පැමිණීම රාජ්ය තාන්ත්රික මාර්ග ඔසසේ ශ්රී ලංකා රජයට තහවුරු කර ඇති බවය.
විදේශ අමාත්ය අලි සබ්රි බදාදා අග සීඑන්එන් වෙත පැවසුවේ “රාජ්ය තාන්ත්රික මාර්ග හරහා” රාජපක්ෂගේ නැවත පැමිණීම පිළිබඳව ශ්රී ලංකා රජයට පවසා ඇති බවයි.
“නැවත පැමිණීමේදී නිල වශයෙන් අපට කිසිදු කාර්යභාරයක් නැහැ. ඔහු ශ්රී ලංකාවේ පුරවැසියෙක්. ඔහුට අවශ්ය ඕන වෙලාවක රටට එන්න පුලුවන්. ” විදේශ ඇමාත්ය අලි සබ්රි සී.එන්.එන් වෙත කීවේය.
රාජපක්ෂගේ ඥාති සොහොයුරෙකු වන රුසියාවේ හිටපු ශ්රී ලංකා තානාපති උදයංග වීරතුංග ඊයේ මාධ්යවේදීන් අමතමින් කියා සිටියේ ගෝඨාභය රාජපක්ෂ අගෝස්තු 24 වනදා නැවත රටට පැමිණෙන බවයි.
ජූලි මාසයේදී ශ්රී ලංකාවෙන් මාලදිවයිනට මිලිටරි ගුවන් යානයකින් පලා ගොස් අනතුරුව සිංගප්පූරුවට යාමෙන් පසු තායිලන්තයට යන්නේය. දින 90ක් තායිලන්තයේ රැඳී සිටිය හැකි නමුත් ඔහු නිවාස අඩස්සියේ තබන ආකාරයට කාමරයෙන් පිට වී යෑමට ඉඩ නොදෙන ආරක්ෂක වැඩපිළිවෙළ නිසා ඔහු පීඩාවට පත් වී ඇතැයි ඊයේ මාධ්යය වාර්තා කළේය.
