මනම්පිටිය නිමල් ජයරත්න
-
මෙවර සාමාන්ය පෙළ සිසුන් ඇතුළු ගැමියන් පිරිසක් යන එන මං නැතිව ඉද්දි වැලිකන්ද පොලිසියේ රථයකින් ඔවුන් ගමට ඇරලවලා….
-
රාත්රි 9 වනතුරුත් ඩිපෝවෙන් පොලිසියට පැමිණිල්ලක් නෑ… මේ ලියන වෙලාවෙත් රියදුරුයි කොන්දොස්තරයි ඩෝප් පිට බස් නැවතුමේ විවේකාගාරයේ නිදි…. බස් රථය වැලිකන්ද බස් නැවතුමේ ගාල් කරලා…
පොළොන්නරුව ලංකා ගමනා ගමන මණ්ඩලයට අයත් බස් රථයක රියැදුරු සහ රිය සහායක වැලිකන්ද ගමනාගමන මණ්ඩලයේ විවේකාගාරය තුළ මත්පැන් බී වැටී සිටීම හේතුවෙන් වැලිකන්ද ගල්කන්ද දක්වා ගමන් කිරීමට බස් රථයක් නොමැතිවීමෙන් සාමාන්ය පෙළට පෙනී සිටින මුස්ලිම් සිසුන් ඇතුළු මගින් පිරිසක් අද ( 08 )වැලිකන්ද පොලිසියේ ජීප් රථයකින් රැගෙන යෑමට සිදුවීමේ පුවතක් වාර්තාවේ.
ගල්කන්ද ප්රදේශයට, වෙනත් කිසිදු බස් රථයක් ගමන් නොකරන අතර එම ප්රදේශයට ජනතාවට ගමන් කිරීමට තිබුන එකම බස් රථය මෙය වේ.
මෙම බස් රථය වැලිකන්ද නගරයෙන් ගල්කන්ද ප්රදේශයට සවස දෙකයි තිහට පිටත් වීමට නියමිත තිබුනද රියදුරු සහ බස් රථයේ කොන්දොස්ත බීමත්ව සිටි නිසා අවස්ථා දෙකකදී මගි ජනතාවට එම ප්රදේශයට යෑමට සහ වැලිකන්ද නගරයට ඒමට නොහැකි වූ බවද පොලිසිය කියයි.
මෙම සිද්ධිය හේතුවෙන් මෙවර සාමාන්ය පෙළ විභාගයේ වැඩමුළුවට ගිය මුස්ලිම් සිසුන් පිරිසකට නිවෙස් වෙත යෑමට, ප්රමාද වී ඇති අතර ඉස්ලාම් ආගම ඇදහීමේ කටයුත්තද බස් නැවතුම්පොළේ සිදු කිරීමට සිදු විය.
අනතුරුව කැබ්රථය මගින් සිසුන් ඇතුළු මගින් 25 දෙනෙකු වැලිකන්ද ගල්කන්ද හා කුඩාපොකුණ ප්රදේශයට රැගෙන යාමට පොලිසිය කටයුතු කළේය.
මේ වනවිට බස් රථය වැලිකන්ද බස් නැවතුමේ ගාල්කර තිබෙන අතර කොන්දොස්තර විවේකගාරය තුළ බීමතින් තාමත් වැටී සිටින බවද පොලිසිය සඳහන් කරයි.
අප මේ පිළිබඳව ලංකා ගමනාගමන මණ්ඩලයේ පොළොන්නරුව ඩිපෝ අධිකාරී ප්රේමසිරි ගුණවර්ධනගෙන් දුරකථනයෙන් කළ විමසීමකදී සඳහන් කළේ මේ වෙනවිට පොලිසියට පැමිණිල්ලක් යොමු කිරිමට කණ්ඩායමක්, පිටත් කර ඇති බවත්, රියදුරු සහ කොන්දොස්තර බීමත්ව සිටිනවාද නැද්ද යන්න නිශ්චිත වශයෙන් කිව නොහැකි බවත්, ඒ සම්බන්ධ පරීක්ෂණයක් සිදුකරන බවත්ය.
අප රාත්රී නමයට පමණ වැලිකන්ද පොලිස් ප්රධාන පොලිස් පරීක්ෂක එල්.පී.ජේ. කුමාරසිංහ ගෙන් දුරකථනය කළ විමසීමකදී පැවසුවේ කැබ් රථයකින් දරුවන් සහ මගින් ඔවුන්ගේ ගම්වලට රැගෙන යාමට කටයුතු කළ බවත්, මේ වනවිටත් පොළොන්නරුව ඩිපෝවෙන් සිද්ධිය සම්බන්ධව පැමිණිල්ලක් සිදු කර නොමැති බවත්ය.
