දිනසේන රතුගමගේ –
වවුනියාව මහ රෝහලේ සේවකයෙකු රෝහල් වාට්ටුවක් තුළ ගෙළ වැළලාගෙන මියගොස් සිටියදී ඔහුගේ මළ සිරුර රෝහල් සේවකයින් පිරිසක් විසින් ඊයේ ( 27 ) සොයා ගෙන තිබේ.
වවුනියාව මහ රෝහලේ ගේට්ටු මුරකරුවකු ලෙස කාලයක්ම සේවය කරමින් සිටින මොහු මානසික ආතතියක් මත රෝහලේ අංක 12 දරණ වාට්ටුවට ඇතුළත් කොට තිබේ.
ඔහු එම වාට්ටුවේ ප්රතිකාර ලබමින් සිටියදී වාට්ටුවේ කෙලවරක ගෙළ වැළලාගෙන මිය ගොස් සිටියදී රෝහල් සේවකයින් පිරිසක් ඒ බව දැක රෝහල් පොලීසියට පැමිණිලි කොට තිබේ.
මෙසේ මියගොස් ඇත්තේ වවුනියාවේ නොචිමොට්ටෙයි ප්රදේශයේ පදිංචි 34 හැවිරිදි කේ.ජිවරාජා නැමැත්තෙකි.
වවුනියාව පොලීසිය හා රෝහල් පොලීසිය එක්ව මෙම මරණය සම්බන්ධයෙන් පරීක්ෂණ ආරම්භකොට තිබේ.
