ඊයේ (21) රාත්රියේ රෝගියෙක් බැලීමට පැමිණි කණ්ඩායමක් වත්තේගම රෝහලේ වෛද්යවරයෙකුට පහර දීම හේතුවෙන් වෛද්යවරයා ප්රතිකාර සඳහා මහනුවර ජාතික රෝහලට ඇතුළත් කර තිබේ.
ඊයේ රාත්රී 8.50ට පමණ මෙසේ පහර කෑමට ලක් වී ඇත්තේ වත්තේගම රෝහලේ රාත්රි වැඩමුරයේ නිරතව සිටි සෙනාල් විජේරත්න නැමැති වෛද්යවරයෙකි.
වාර්තාවන පරදි මෙම කණ්ඩායම රාත්රී 8.50 ට පමණ රෝහල තුළට බලහත්කාරයෙන් ඇතුළු වීමට උත්සහ කර තිබේ.
ඒම අවස්ථාවේ කණිෂ්ඨ සේවකයෙකු එය වැලැක්වීමට පියවර ගෙන ඇත. ඒ සමගම පිරිස මෙම සේවකයාට පහර දිමට සැරසෙද්දී පිරිසට වාට්ටුවෙන් පිටතට යන ලෙස වෛද්යවරයා විසින් දැනුම් දී ඇත.
ඒ මැර කණ්ඩායම වෛද්යවරයාගේ මුහුණට සහ පපු ප්රදේශයට බරපතල ලෙස පහර දී ඔහු බිම ඇද වැටුණු පසු පයින් පාගමින් පා පහර එල්ල කර රෝහලේ වෙද නලාව ද පැහැරගෙන පලා ගොස් තිබේ
වෛද්යවරයාට පහර දුන් පුද්ගලයින් තිදෙනෙක් අද උදෑසන පොලිසිය විසින් අත් අඩංගුවට ගෙන තිබුණු අතර තවත් පුද්ගලයෙක් වෛද්යවරයා විසින් තමන්ට පහර දුන් බව කියමින් මාතලේ රෝහලට ඇතුළත් වී ඇත.
පළාගිය සෙසු සැකකරුවන් දෙදෙනා අත්අඩංගුවට ගැනීමට පොලීසිය පරීක්ෂණ පවත්වයි.
