ලොව ප්රබලතම ගුවන්යානා නිෂ්පාදකයා වන එයාර්බස් සමාගම විසින් රුසියාව අපනයන කරනු ලබන ටයිටේනියම් සඳහා ආර්ථික සම්බාධක පැනවීමෙන් වැලකී සිටින බටහිර රාජ්යන්ගෙන් ඉල්ලා තිබේ.
රුසියාව විසින් යුක්රේනය ආක්රමණය කිරීමත් සමඟ ඇමරිකා එක්සත් ජනපදය ප්රමුඛ බටහිර රටවල් විසින් රුසියාව දැඩි ආර්ථික සම්බාධක පැනවීමට පියවර ගත් අතර එහිදී රුසියාවේ අපනයන විශාල ප්රමාණයකට සිමා පැනවීම සිදුවිය.
එහෙත් එවැනි පසුබිමක මතද රුසියාව විසින් අපනයනය කරනු ලබන ටයිටේනියම් වලට සම්බාධක පැනවීමක් සිදුනොවුවද බොහොමයක් දෙනා රුසියාවෙන් අමුද්රව්ය මිලදී ගැනීමෙන් වැලකී සිටීමට පියවර ගනු ලැබීය. මීට රුසියානු නිෂ්පාදන මිලදී නොගන්නා ලෙසට එල්ලවූ මතයත් රුසියාව විසින් රූබල් මගින් ගෙවීම් කරන ලෙසටත් ඉල්ලා සිටීම මත මෙම තත්ත්වය දරුණු විය.
මෙවැනි තත්ත්වයක් පැවතියද එයාර්බස් සමාගම විසින් දිගින් දිගටම රුසියාවෙන් ටයිටේනියම් ආනයන කිරීමට සිදුකළ අතර ඔවුන් යුරෝපා සංගමයෙන් ප්රසිද්ධියේ ඉල්ලා සිටියේ ලෝහ සඳහා රුසියාවට සම්බාධක පැනවිමෙන් වැලකී සිටින ලෙසයි.
එයාර්බස් සමාගමේ මෙම ඉල්ලිමට මූලික හේතුව වූයේ ගුවන් යානා නිෂ්පාදනය සඳහා ටයිටේනියනම් ඉතාම වැදගත් ලෝහයක් වන බැවිනි. එම ලෝහයේ පවතින සූවිශේෂී ශක්තිමත් බවත් එහි සැහැල්ලු බවත් ගුවන්යානා නිෂ්පාදනයට අතිශය වැදගත් සාධකයකි.
“රුසියාවේ ටයිටේනියම් සඳහා සම්බාධක පැනවීමක් කළහොත් එය අපි අපිටම සම්බාධක පනවා ගැනීමකට සමාන ක්රියාවක් වෙනවා.” යනුවෙන් එයාර්බස් සමාගමේ ප්රධාන විධායක නිලධාරී ගියොම් ෆුරී පවසා තිබේ.
මේ අතර එයාර්බස් සමාගමට අතිරේකව තවත් යුරෝපා සමාගාම් රැසක් රුසියාවෙන් ටයිටේනියම් මිලදිගැනීම සිදුකරයි. ඒ අනුව යම් ආකාරයකින් රුසියානු ටයිටේනියනම් සඳහා සම්බාධක පැනවීමක් සිදුකළහොත් එය බටහිර කළාපයේ ප්රමුඛ ව්යාපාර සඳහා දැඩි අභියෝගයක් වනු ඇත.
