නගරාධිපති අපේක්ෂකත්වය සම්බන්ධයෙන් මෙතෙක් විපක්ෂයේ එකඟතාවයක් නොමැති බව ශ්රී ලංකා මුස්ලිම් කොංග්රසයේ නායක රවුෆ් හකීම් අද (04) මහනුවර දී පැවසුවේය.
ඔහු කීවේ සමගි ජන බලවේගයේ නායකත්වය මේ දක්වා තමන් සමග අදාල එකඟතාවයක් සම්බන්ධව සාකච්ඡා නොකළ බවය.
රීසා සරූක් සමගි ජන බලවේගයෙන් නගරාධිපති අපේක්ෂකයා නම් කිරීම සමගි ජන බලවේගයේ තීරණයක් බව ද මන්ත්රීවරයා පැවසුවේය.
” සමගි ජන බලවේගයේ තීරණය එහෙම විය හැකියි. නමුත් සෙසු පක්ෂත් සමග සාකච්ඡා කරලා යම් සම්මුතියක් ඇති කරගත යුතුයි. සමගි ජන බලවේගයේ නායකත්වය තවම අපිත් එක්ක සාකච්ඡා කරලා නෑ. මොකද කොළඹ මහ නගර සභාවේ පුරපති ධූරයට යෝජනා කරපු එක්කෙනා නෙමෙයි දැන් යෝජනා කරන්නේ. ‘
” එබැවින් අපට ඒ පිළිබඳව යම් පැහැදීමක් ලබා දිය යුතුයි. එතන සෑහීමට පත්විය යුතුයි. කොළඹ නගර සභාවට පක්ෂ කීපයක් එකතු විය යුතුයි. මට අදත් නාමල් රාජපක්ෂ මැතිතුමා එක්ක සාකච්ඡා කරද්දි පෙනී ගියෙ මෙතන තාමත් එකඟත්වය පිළිබඳ යම් යම් අඩුපාඩු තියන බව….” රවුෆ් හකීම් මන්ත්රීවරයා පැවසුවේය.
