දැනට ශ්රේෂ්ඨාධිකරණයෙන් වැරදිකරුවන් ලෙස තීරණය කළ එහෙත් යම් වරප්රසාද තත්ත්වයන් යටතේ දඬුවමට ලක් නොවී සිටින පුද්ගලයන් විෂයෙහි රටේ නීතිය ක්රියාත්මක කරන ආකාරය සම්බන්ධව පාර්ලිමේන්තුවට නව නීතියක් රැගෙන ඒමට කටයුතු කරන බව අධිකරණ ඇමති විජේදාස රාජපක්ෂ අද (23) පාර්ලිමේන්තුවේ දී පැවසුවේය.
අධිකරණ ඇමතිවරයා මේ බව ප්රකාශ කළේ රට බංකොලොත් කිරීම සඳහා වගකිවයුතු මහින්ද රාජපක්ෂ, ගෝඨාභය රාජපක්ෂ, බැසිල් රාජපක්ෂ, පී.බී.ජයසුන්දර ඇතුළු කණ්ඩායමට එහෙරව නීතිය ක්රියාත්මක නොවීම සම්බන්ධව සමගි ජන බලවේගයේ පාර්ලිමේන්තු මන්ත්රී ජේ.සී. අලවතුවල විසින් පාර්ලිමේන්තුවේ දී අධිකරණ ඇමතිවරයාගෙන් කළ විමසීමකට පිළිතුරු දෙමිනි.
අධිකරණ ඇමතිවරයා විසින් පී.බී, ජයසුන්දර විසින් සිදුකළ සාහසික වංචාවන් පිළිබඳ දීර්ඝ හෙළිදරව් කිරීමකින් අනතුරුව ඔහුට එරෙහිව ලබා දුන් ශ්රේෂ්ඨාධිකරණ තීන්දු දෙකක් ක්රියාත්මක නොවීම සම්බන්ධ දීර්ඝ හෙළිදරව් කිරීමකින් පසු විවාදයට එක් වුන අලතුවල මන්ත්රීවරයා පැවසුවේ මීට දින කීපයකට පෙර රට බංකොලොත් කළ පුද්ගලයින් කණ්ඩායමක් සම්බන්ධව ශ්රේෂ්ඨාධිකරණය ලබා දුන් තීන්දුවට අනුව එම කණ්ඩායමේ පී.බී.ජයසුන්දරත් සිටින බවය.
අධිකරණ ඇමතිවරයා ලෙස මේ පුද්ගල කණ්ඩායමට එරෙහිව නීතිය ක්රියාත්මක කිරීමට කටයුතු කිරීමට අවශ්ය පියවර ගන්නා ලෙසත් ඊට අවශ්ය අන පනත් සම්මත කරගැනීම සඳහා විපක්ෂය ලෙස තමන් ජනතාවගේ පැත්තේ සිට සූදානම් බවත් යෝජනා කළේය.
“මේ සම්බන්ධව නීති රීති රීති මදිනම් කියන්න. එම නීති රීති ගේන්න. අපි උදව් කරන්නම් ජනතාවගේ පැත්තේ ඉඳගෙන ඒවා සම්මත කරගන්න. මේ වගේ වැරදි කරපු අයට නීතිය ක්රියාත්මක කරන්න අවශ්ය පියවරට යමු. ඒක තමයි ඉතාම වැදගත් වන්නේ.”
අලවතුවල මන්ත්රීවරයා කියන විට නැගී සිටි අධිකරණ ඇමතිවරයා නැගී සිට මෙසේ ප්රකාශ කළේය.
“ ඇත්ත වශයෙන්ම මේ කියන කාරණාව සම්බන්ධව අවධානය
යොමු කරලා තියෙන්නේ. අද උදෙත් මේ පාර්ලිමේන්තු කාරක සභාවේ දී ගරු අගමැති තුමා, ගරු කථානායක තුමා, ගරු විපක්ෂ නායක තුමා ආදී සියලුම පක්ෂ නායකතුමන්ලා එකතුවෙලා අපි දීර්ඝ සාකච්චාවක් කළා. ඉදිරියේ දී මේ කාරණා සම්බන්ධව ගත යුතු තීරණය ගැන සාකච්ඡා කරලා ඊට අදාල නීතියක් මේ පාර්ලිමේන්තුවට ගේනවා.”
අධිකරණ ඇමතිවරයා කීවේය.
“අධිකරණය යම් කිසි තීන්දු ලබා දී තියනවා. ඒ සඳහා පියවර ගන්න කියලා ඉල්ලා සිටිනවා. “ අලවතුවල මන්ත්රීවරයා පැවසුවේය
