රක්ෂිත බන්ධනාගාරගතව සිටින හිටපු ජනාධිපති රනිල් වික්රමසිංහ හෙට උදෑසන වනතෙක් දැඩි සත්කාර ඒකකයේ තැබීමට වෛද්යවරුන් තීරණය කළ බව ජාතික රෝහලේ නියෝජ්ය අධ්යක්ෂ වෛද්ය රුක්ෂාන් බෙල්ලන පැවසුවේය.
ජාතික රෝහලේ නියෝජ්ය අධ්යක්ෂවරයා පැවසුවේ හෙට හිටපු ජනාධිපතිවරයා දැඩි සත්කාර ඒකකයේ ප්රතිකාර ලබන බවත්, ඔහු හෙට අධිකරණයට ඉදිරිපත් කරනවාද නැද්ද යන්න තම තමන්ම කල්පනා කර බලන ලෙසත්ය.
“එතුමාට තියනවා කියන ඔය රෝගී තත්ත්තවයන් යම් අභියෝගාත්මකයි කියලා විශේෂඥ වෛද්ය මණ්ඩලය තීන්දු කරලා තියනවා. රිපෝට් එක හදමින් පවතිනවා. විශේෂඥ වෛද්යවරු පවසලා තියනවා තව දුරටත් දැඩි සත්කාර ඒකකයේ රෝගියාව තියාගන්න වෙනවා කියලා.
මම හිතනවා ඔවුන් නැවත සමාලෝචනය කරන්නේ රෝගියාගේ තත්ත්වය හෙට උදේට. දැනට තියන තීන්දු තීරණ අනුව රෝගියා හෙට උදෙත් දැඩි සත්කාර ඒකකයේ රැඳී සිටී. ඒ නිසා ඔයගොල්ල හිතාගන්න රෝගියා උසාවියට ගෙනියන්න පුලුවන් ද බැයිද කියලා.
රෝගියාට තියෙන්නෙ රෝගී තත්ත්වයක් නෙමෙයි. සංකූලතා තත්ත්වයක් වර්ධනය වීමක්. විජලනය කියන තත්ත්වය වකුගඩුවලට හාර්ට් එකට සහ මොළයටත් බලපෑවද කියලා ප්රශ්නයක් තිබ්බා. ඒ අනුව අද පස්වරුවේ දී එම්.ආර්.අයි පරීක්ෂණයකට පවා භාජනය වුනා. ඒ පරීක්ෂණයකට භාජනය කරලා ප්රතිකාර කළේ නැතිනම් සංකූලතා වලින් සංකීර්ණ තත්ත්වයන්ට පත් වෙනවා ශාරීරික සෞඛ්යය. ඒක වළක්වන්න තමයි දැඩි සත්කාර ඒකකයේ හෙද කාර්ය මණ්ඩලය සිද්ධ කරන්නේ. අපි හිතනවා තව දවස් එකක් දෙකක් යනකොට මීට වඩා හොඳ තත්ත්වයකට පත් වෙයි කියලා.”
එක් රැයක් සඳහා ජනතා මුදල් රුපියල් එක් කෝටි හැට අට ලක්ෂයක් වියදම් කරමින් බ්රිතාන්යයේ පුද්ගලික සංචාරයක නිරත වීම පිළිබඳ වරදට අත් අඩංගුවට ගෙන පොදු දේපල පනත යටතේ අධිකරණයට ඉදිරිපත් කළ හිටපු ජනාධිපතිවරයා හෙට දක්වා රක්ෂිත බන්ධනාගාරගත කිරීමට අධිකරණය පසුගිය සිකුරාදා නියෝග කළේය.
