මේ රටේ දැවැන්ත ව්යාපාර නායකයෙක් වූ කෙන් බාලේන්ද්ර ද අද (03) දිවි සැරැය නිමා කර තිබේ. මේ අද දිනයට වාර්තාවන දෙවැනි ව්යාපාර නායකයාගේ නික්මයෑමය. රටේ ප්රකෝටිපති ව්යාපාරිකයෙක් වූ හැරී ජයවර්ධන ද අද දිවිස සැරියෙන් සමුගත්තේය.
ජෝන් කීල්ස් සමූහ ව්යාපාරයේ පළමු ශ්රී ලාංකික සභාපතිවරයා වූ දේශමාන්ය කෙන් බාලේන්ද්ර අද කොළඹ දී දිවි සැරියෙන් සමුගන්නාවිට 84 වන වියේ පසුවුණි. මෙරට ව්යාපාර ක්ෂේත්රයේ හැරවුමක් සලකුණු කළ ව්යාපාර නායකයෙක් වු කෙන් බාලේන්ද්රජෝන් කීල්ස් සමූහයේ සභාපතිත්වය දරන වකවානුවේ දී එහි පාලිත සමාගම් සියල්ලගේම සභාපතිවරයා ලෙසින් කටයුතු කළේය.
දේශමාන්ය කන්දයියා (කෙන්) බාලේන්ද්ර උපත ලබන්නේ 1940 වර්ෂයේ දි ය. මේ විශිෂට පුද්ගලයා ශ්රී ලංකාවේ සහ කලාපයේ ආයතනික තනතුරු රාශියක් දරන සහ දරා ඇති ශ්රී ලාංකික ආයතනික නායකයෙකු සහ විධායක නිලධාරියෙකි.
දිවයිනේ විශාලතම සමූහ ව්යාපාරය වන ජෝන් කීල්ස් හෝල්ඩින්ග්ස් ලිමිටඩ් හි පළමු ශ්රී ලාංකික සභාපතිවරයා ලෙස ඔහු සේවය කළේය. වර්තමානයේ ඔහු බ්රැන්ඩික්ස් ලංකා ලිමිටඩ් හි සහ පොදුරාජ්ය මණ්ඩලීය සංවර්ධන සංස්ථාවේ දකුණු ආසියානු කලාපීය අරමුදලේ සභාපතිවරයා ය.
කොළඹ ධනවත් දෙමළ පවුලක උපත ලැබූ ඔහුගේ පියා ආදායම් පරීක්ෂකවරයෙකි. ඔහු අධ්යාපනය ලැබුවේ කොළඹ රාජකීය විද්යාලයේ ය. පාසල් අවධියේ කෙන් ක්රීඩා ක්ෂේත්රයේ විශිෂ්ටයෙකු විය. ඔහු 1958 බ්රැඩ්බි පලිහ ගැටුමේදී රාජකීය කණ්ඩායමට සහභාගී වූ අතර එහිදී ත්රිත්ව කණ්ඩායම පරාජයට පත් වූයේය. ඒ පරාජය ත්රිත්ව විද්යාලයීය කණ්ඩායම අඛණ්ඩව ලද ජයග්රහණ වැලක අඛණ්ඩතාවය නිමා කළේය.
බාලේන්ද්ර 1963 දී ඔහු සිය වෘත්තීය ජීවිතය ආරම්භ කරන්නේ වැවිලිකරුවෙකු ලෙසය. පසුව ඔහු 1969 දී ජෝන් කීල්ස් හෝල්ඩින්ග්ස් ආයතනය සමඟ සම්බන්ධ විය (එවකට ජෝන් කීල් තොම්සන් වයිට් ලිමිටඩ් ලෙස හැඳින්විණි). ඔහු 1974 දී සමාගම් අධ්යක්ෂවරයෙකු ලෙස පත් කරන ලදී. 1990 සිට 2000 දී සමාගමෙන් විශ්රාම යන තෙක් ඔහු එහි සභාපති ලෙස සේවය කළ අතර, වේගවත් වර්ධනයක් සහ විවිධාංගීකරණයක් අධීක්ෂණය කරමින් එම තනතුර දැරූ පළමු ශ්රී ලාංකිකයා ඔහු විය.
ඔහු ලංකා බැංකුවේ (2000–2002), ලංකා දුම්කොළ සමාගමේ (2003–2008), සුරැකුම්පත් හා විනිමය කොමිෂන් සභාවේ (2000–2002), ශ්රී ලංකා රක්ෂණ මණ්ඩලයේ සහ ලංකා වාණිජ මණ්ඩලයේ සභාපති ලෙස සේවය කළේය.
2000 අප්රේල් මාසයේදී ශ්රී ලංකා අධ්යක්ෂවරුන්ගේ ආයතනයේ පළමු සභාපති ලෙස කෙන් බාලේන්ද්ර පත් කරන ලදී. ඔහු 2011 දී ඉල්ලා අස්වන තෙක් චෙව්රොන් ලිහිසි තෙල් ලංකා හි අධ්යක්ෂවරයෙකු ලෙස වසර 10 කට වැඩි කාලයක් සේවය කර තිබිණි.
2011 දී සන්ඩේ ලීඩර් පුවත්පත බාලේන්ද්ර “ශ්රී ලංකාවේ කොටස් වෙළඳපොලේ බිලියනපතියන් 20 දෙනා” අතරට නම් කළේය. ඔහු 11 වන ස්ථානයේ සිටින අතර, එහි වත්කම් රුපියල් බිලියන 2.5 කට ආසන්න යැයි කියනු ලැබේ.
