ශ්රියානි විජේසිංහ –
වසර 1975දී මෙරට ඒකපුද්ගල සීනි පරිභෝජනය වසරකට කිලෝ 7ක් වුවද එය වරස 2023 වන වට මෙය කිලෝ 30ක්වා වැඩිව ඇති බව සීනි පර්යේෂණායතනය කළ සමික්ෂණයකින් තහවුරු වී ඇති බවත් මෙය හතර ගුණයකටත් වඩා වැඩි බවත් ප්රජා වෛද්ය විශේෂඥ සේනක ගමගේ පෙන්වාදේ.
ආසියාවේ දියවැඩියා රෝගීන්ගෙන් වැඩිම අනුපාතිකයක සිටින රට ශ්රී ලංකාව බව කොළඹ වෛද්ය පර්යේෂණ ආයතනය, රුහුණු හා රජරට විශ්ව විද්යාලයන් එක්ව කරන ලද පර්යේෂණයෙන් තහවුරු වීම අරුමයක් නොවන බවද හෙතෙම සඳහන් කරයි.
මෙම පර්යේෂණයෙන් තහවුරු වී ඇත්තේ ශ්රී ලංකාවේ සමස්ත ජනගහනයෙන් සියයට 23ක් හෙවත් ආසන්න වශයෙන් ¼ ක් දියවැඩියා රෝගීන් බවත් තවත් මිලියනයක් පමණ තමන් දියවැඩියා රෝගයෙන් පීඩා විදින බව නොදන්නා බවත් යැයි ඔහු පවසා සිටියි..
මෙම පර්යේෂණයෙන් තවදුරටත් තහවුරු වන්නේ ආර්ථික මර්මස්ථානයන් වන කොළඹ නගරයේ ජනගහනයෙන් සියයට 31ක්, ආසන්න වශයෙන් 1/3 ක්ම දියවැඩියා රෝගීන් බව සනාථ වී ඇතැයිද විශේෂඥවරයා පෙන්වා දෙයි.
කාන්තාවක් නම් දිනකට ගත යුත්තේ සීනි තේ හැදි 6ක් වන අතර පිරිමියෙක් නම් එය දිනකට 9ක් බව තහවුරු කළද ඇතැම් පැණි බීම වල සීනි තේ හැදි 10ක් පමණ අන්තර්ගත වන බවද හෙතෙම පෙන්වාදේ.
බිස්කට්, පාන් , පැණිරස කෑම , පැණි බීම, තේ, කෝපි ආදිය ආහාරයට ගැනීමට මගින් දිනකට සීනි තේහැදි 20ට අධික ප්රමාණයක් පුද්ගලයෙකුගේ ශරීරයට ඇතුළත් වන බව වෛද්ය සේනක පෙන්වාදේ.
කෙසේ නමුත් සීනි අධි පරිභෝජනය හේතුවෙන් මේ වන විට සෞඛ්ය ගැටලු ගණනාවක්ම මතු වඇති බවත් ඉන් ප්රධානතම සෞඛ්ය ගැටලුව වන දියවැඩියාවට අමතරව පිළිකාව වර්ධනය වීමටද ක්රමයෙන් වැඩිවෙමින් පවතින බව හෙතෙම පෙන්වාදේ.
අසාමාන්ය සීනි පරිභෝජනය හේතුවන් යම් පුද්ගලයෙකුගේ සිරුරේ පවතින පිළිකා සෛලයක් වේගයෙන් පෝෂණයන් වී වර්ධනය වීමටත් පැතිරීමටත් උත්තේජකයක් වන බව වෛද්යවරයා කීවේය.
ඉන්සියුලින් ප්රතිරෝධිතාවය පිළිකා සෛල වර්ධනයට හේතුවක් වන බවද සොයා ගෙන ඇතැයි හෙතෙම පෙන්වා දුන්නේය.
එසේම සීනි අධි පරිභෝජනය ගලනාලයේ සහ අග්න්යාශයේ පිළිකා වර්ධනය හේතුවක් වී ඇති බව සොයාගෙන ඇතැයි ද ඔහු කීවේය.
එසේම ස්ථුලතාවය, හෘදරෝග, විශාදි තත්ත්වය , ඉක්මනින් වයස්ගත පෙනීමක් ඇතිවීම , අක්මාවේ තෙල් තැන්පත්විම වැනි රෝග තත්ත්වයන් අතිවන බවද ඔහු පෙන්වා දුන්නේය.
දේශීය සීනි අවශ්යතාවන් සියයට 14ක් පමණක් මෙරට නිෂ්පාදනය කරන අතර ඉතිරි සියයට 86ම විදේශයන්ගේ ආනයනය කරන බැවින් අප රට සතු විශාල මුදලක් විදේශ රටවල් වෙත ඇදී යන අතරම අපගේ සෞඛ්යයට වන හානිය විශාල වීම තුළ සෞඛ්ය පද්ධතියට එය දරාගත නොහැකි වැයක් යැයි ඔහු කීවේය.
එසෙම මෙම කරුණු සියල්ලම සලකා බලා හැකි පමණ සීනි පරිභෝජනය අඩු නොකළහොත් රෝගී ජාතියක් ලෙස ඉදිරියේදී අපට මුහුණදීමට සිදුවන ගැටලුකාරී තත්ත්වයන් තව තවත් ඉහළ යා හැකි බව විශේෂඥ වෛද්ය සේනක ගමගේ අවධාරණය කළේය.
..
