ශ්රියානි විජේසිංහ –
කොවිඩ් වෛරසය නැවත මෙරට තුල පැතිර ගියහොත් ව්යසනයක් වීම වැලැක්විය නොහැකි බව මහජන සෞඛ්ය පරික්ෂකවරුන්ගේ සංගමය අනතුරු අගවා සිටියි.
මේ වන විට මානව සම්පත් ඖෂධ, එන්නත්, ඉන්ධන , ශල්ය ද්රව්ය ආදියෙහි බරපතල හිගයක් පවතින බැවින් කොවිඩ් වසංගතයක් පැමිණියහොත් පාලනය කර ගැනීමට නොහැකි බව අනිවාර්යයි සංගමයේ සභාපති උපුල රෝහණ මහතා සදහන් කරයි.
විදේශයන්හි සිට පැමිණෙන කිවෙකුත් පරික්ෂා කිරීමේ හැකියාවක් නොමැති බැවින් කොවිඩ් නව වයිරස් ප්රභේදය අප රටතුළට හැකි ඉක්මනින් පැමිණෙනු ඇතැයි හෙතෙම පෙන්වාදේ.
කෙසේ නමුත් සෑම පුද්ගලයෙකුම මුව ආවරණය නිසිපරිදි පැලදීම දුරස්ථභාවය පවත්වාගෙන යාම , ජනතාව වැඩි වශයෙන් ගැවසෙන් ස්ථානයන් හී නොරැදීම , නිරන්තරයෙන්ම දෑත් පිරිසිදුව තබා ගැනීම ආදි කරුණු කෙරෙහි ජනතාව නිරන්තරයෙන් සැලකිලිමත් විය යුතු බව රෝහණ මහතා අවදාරනය කරයි.
