දිනසේන රතුගමගේ
උතුරේ ජනතාව මහවිරු සමරු උළෙල පැවැත්වීම ඊයේ ( 20 ) සිට ආරම්භ කළේය. එල්ටීටීඊ සංවිධානය ස්වකීය ප්රජාව තුළ යුද මානසිකත්වය ප්රවර්ධනය කිරීම සඳහා ප්රකාශයට පත් කළ මහ විරු සතිය මේ වනවිට යුද්ධයෙන් මිය ගිය පිරිස් සමරන මානුෂික උත්වයක් බවට පරිවර්තනය වී ඇති අතර එල්ටීටීඊයට සම්බන්ධ කිසිදු ප්රචාරණ වැඩසටහනක්, සංකේතයක් හේ එම තහනම් සංවිධානය ප්රවර්ධනය කිරීමකට අදාල කිසිදු කටයුත්තක් මේ උත්සවය පසුබිමේ සිදුකිරීම සපුරා තහනම් කර තිබේ.
මෙම මහවිරු සමරු උළෙල 27 වෙනිදා දක්වා පැවැත්වෙන අතර මේ කාලයේදී තමන්ගේ නිවෙස් වලට ආසන්නයේ පිහිටි සුසාන භූමි වලදී හෝ ප්රජා ශාලාවලදී යුද්ධයෙන් මියගිය පිරිස සමරා ඉටිපන්දම් පහන් දල්වා යුද්ධයෙන් මියගිය අයගේ ඡායාරූප වලට මල් මාලා පලදවනු ලබයි.
මෙම මහවිරු සමරු උළෙලේ ප්රධාන උත්සවය 27 වෙනිදා සවස මුලතිව් වෙල්ලමුල්ලිවයිකාල් ප්රදේශයේ පිහිටි විශේෂ ස්මාරකය අබියසදී පවත්වනු ලබන අතර ඊට ප්රධානත්වය ගනු ලබන්නේ යාපනය විශ්ව විද්යාලයයි.
යාපනය විශ්ව විද්යාලය තුළද මෙවරත් මහවිරු සැමරුම් පැවැත්වීමට කටයුතු යොදා තිබේ.
