යුක්රේනයේ මරණීය සවස් වරුවක් ගතවෙමින් ඇත.
යුක්රේන විදේශ ඇමති ඩිමිට්රෝ කුලේබා “බිහිසුණු රුසියානු රොකට් ප්රහාර” ලෙස හැඳින්වූ පිපිරීම් අද උදෑසන සිට වාර්තා විය.
දැන් යුද්ධය යුක්රේනයේ හදවතට පහර දෙමිනි. රුසියානු හමුදා කිව් අගනුවරට ඇතුළු වී තිබේ. අන්තර්ජාලය ඔස්සේ පළ කරන ලද වීඩියෝ පටවලින් පෙන්නුම් කළේ රුසියානු ටැංකි තම නගරය හරහා ධාවනය කරන බවට නිවැසියන් පැවසූ දේය. අගනුවරින් ඇසෙන වෙඩි හඬ සහ ගුවන් ප්රහාර සයිරන් හඬය.
බොහෝදුරට හිස්ව ඇති මාර්ගවල සන්නද්ධ රථ ගමන් කරනු දැක්වෙන වීඩියෝ කීපයක් අන්තර්ජාලයට එක්කර තිබේ
සිවිල් වැසියන් සහ හමුදා නිල ඇඳුමින් සැරසුණු පුද්ගලයින් අතර සටන් සිදුවෙනු පෙන්වන වීඩියෝ දර්ශන ද දක්නට ලැබේ
අප්රසිද්ධ ස්ථානයක සිට රූපවාහිනියේ පෙනී සිටි යුක්රේන ජනාධිපතිවරයා වොලොඩමීර් සෙලෙන්ස්කිලොවට අනතුරු ඇඟවූයේ ව්ලැඩිමීර් පුටින් තම රටට පමණක් නොව “යුරෝපයට එරෙහිවත් යුද්ධයක්” දියත් කරන බවය. එය නැවැත්වීමට බටහිරයන් ප්රමාණවත් නොවන බවත් ඔහු කීවේය.
මේ වන විට යුක්රේනයෙන් පැමිණෙන වාර්තාවන්ගෙන් කියැවෙන්නේ රුසියානු හමුදාවන් කියෙව් අගනුවර තුළට ඇතුළුවී, එහි උතුරු දෙසින් පිහිටි ඔබොලොන් දිස්ත්රික්කය වටා කේන්ද්රගතව සිටිනබව යැයි බීබීසිය කිවේය.
මේ ජනවාසික ප්රදේශය කියෙව් පාර්ලිමේන්තුවට සහ නගර මධ්යයේ සිට කිලෝමීටර 9ක් උතුරින් පිහිටා තිබේ.
යුක්රේන නිලධාරීන් පවසන්නේ ඔවුන් “පූර්ණ පරිමානයේ ආක්රමණයක්” මැඩපැවැත්වීම සඳහා බහුවිධ පෙරමුණුවල සටන් කරන අයුරුය.
සාමූහිකව පෙළගැසී සතුරා සමග සටන් කිරීම සඳහා පෙට්රල් බෝම්බ සාදන්නැ යි ද ආරක්ෂක අමාත්යාංශය ප්රදේශවාසීන්ගෙන් ඉල්ලා සිටියේ ය
රුසියානු හමුදාවන් කියෙව් අසල පිහිටි ප්රධාන ගුවන්තොටුපොළෙහි පාලනය අත්පත්කර ගත්බව ආරක්ෂක අමාත්යාංශය ප්රකාශ කළැ යි රුසියාවේ ඉන්ටර්ෆැක්ස් ප්රවෘත්ති ඒජන්සිය වාර්තා කරයි. ඒ සඳහා රුසියානු හෙලිකොප්ටර් 200ක් සහ ගොඩබෑමේ බලකායක් භාවිතා කළ බව එහි දැක්වේ
කියෙව් නගරය ගුවන් ප්රහාරයන්ට ද ලක්වෙමින් පවතින අතර, නගරවාසීන් රැකවරණය පතා භූගත දුම්රිය ස්ථානවලට එක්රොක්ව සිටිති.
යුක්රේන් වැසියෝ බොහෝ දෙනෙක් ජීවිතාපේක්ෂාවෙන් පලා යමින් සිටිති. යුක්රේනය අවි දැරිය හැකි සියලුම පුරවැසියන්ගෙන්, සිය මව්බිම ආරක්ෂා කිරීමට එක්වන ලෙස ඉල්ලා සිටී. ඒ සඳහා වයස් සීමාවක් බල නොපානාබව හමුදා අණදෙන නිලධාරියාගේ ප්රකාශයේ සඳහන් විය
