රුපියල් විසි දහසක වැටුප් වැඩිවීමක් ඉල්ලා රාජ්ය සේවකයින් හෙට දිනයේ වර්ජනයකට සූදානම් වුවද මේ අවස්ථාවේ වැටුප් වැඩි කිරීම කළ නොහැකි බව මුදල් රාජ්ය ඇමති රන්ජිත් සියඹලාපිටිය පවසයි.
ප්රවාහන සහ මහා මාර්ග ඇමති බන්දුල ගුණවර්ධන පවසන්නේ රටේ ජනතාව සියයට විස්සක් වැට් බද්ද ලෙස ගෙවන්නට එකඟ වන්නේ නම් අදාල රාජ්ය සේවක පඩි වැඩිවීම සිදුකළ හැකි බවය.
රජය පාර්ශවයෙන් මෙම අදහස් ප්රකාශ වන්නේ සිය මුලික වැටුප රුපියල් 20000 ක් දක්වා වැඩිකරගැනීම සඳහා රාජ්ය සේවයේ වෘත්තීය සමිති 200කට අධික සංඛ්යාවක් හෙට සහ අනිද්දා වෘත්තීය අරගලයක් ප්රකාශයට පත් කර ඇති මොහොතක ය.
රන්ජිත් සියඹලාපිටිය නියෝජ්ය මුදල් ඇමතිවරයා අද මේ පිළිබඳව සිය අදහස් දැක්වූයේ මෙසේය.
2022 -23 අතර රට ඉතා අර්බුදකාරී අඩියක තිබුණේ. ඒත් රජය ඉතාම අසීරු තත්ත්වයක ඉඳන් රාජ්ය සේවක වැටුප කොහොම හරි ගෙවාගෙන ආව. 2024 දි ජනාධිපතිතුමා මුදල් ඇමති ලෙස රුපියල් දස දහසක් රාජ්ය සේවක වැටුප් වැඩි කළා.
මම දකිනවා එක් දෙයක්. එය තවත් වැඩි කළ යුතුයි හැකියාවක් තියනවා නම්. හැබැයි ප්රශ්නය තියෙන්නේ අපට පුලුවන් ද ඒක. ඉන් වෙන්නේ භාණ්ඩාගාරයට අලුත් වැය බරක් ඇති වීම. ඒ නිසා අපට වියදම් වැඩි කරගන්න පුලුවන්ද කියන ප්රධාන ප්රශ්නයට රජය මුහුණ දෙනවා.
මේ අවස්ථාවේ වැටුප් වැඩිකිරීම ප්රායෝගිකව කිරීමට අපහසු කටයුත්තක් බව මුදල් රාජ්ය ඇමතිවරයා පැහැදිලි කර දුන්නේය.
ඇමති බන්දුල ගුණවර්ධන ප්රකාශ කළේ රාජ්ය සේවක වැටුප් ගෙවිය යුත්තේ ජනතාවගේ බදු මුදලින් බවය.
“සමහර අය හිතනවා මේ පඩි දෙන්නේ රනිල් වික්රමසිංහ මහත්මයගේ සල්ලිවලින් නැතිනම් අපේ ආණ්ඩුවේ පුද්ගලික මුදල්වලින් කියලා. මේ වැටුප් ගෙවන්නේ මේ රටේ වැඩ කරන ජනතාවගේ බදු මුදල්වලින්. “
“මේ අය ඉල්ලන මුදලේ විදයම දරන්න පුලුවන් ප්රමාණවත් ආදායමක් ආණ්ඩුවට නෑ. මේ රටේ සමස්ථ ජනතාව ලෑස්ති නම් වැට් එක සියයට 20ට වැඩි කරන්න මේ ඉල්ලීම් දෙන්න පුලුවන්. “
“ඒ හැර විකල්ප ක්රමයක් මොකක් ද?. විකුණන්න දෙයක් තියනව ද?. මේ රට නැත්තටම නැතිවෙයි මේ රටේ ජනතාව මේ විදිහට උද්ඝෝෂණ වැඩ වර්ජන සහ වෙනත් දේවල්වලට පෙළඹුනොත්. “
