-
වෛද්යවරියකට අපරාධයක් සිදුකළ හැකි ආකාරයට රෝහල තුළ අනාරක්ෂිත තත්ත්වය ඇතිකළේ රෝහල් අධ්යක්ෂ… ඔහු දේශපාලන හෙංචයියෙක්… සිද්ධියට අදාලව දුලාන් සමරවීරට එරෙහිව විනය ක්රියාමාර්ග ගන්නකොට ඔහු රැකගන්න ඉදිරිපත් වෙන GMOA රට පුරා වෛද්ය වර්ජනයක් කැඳවූයේ ඇයි?… අනුරාධපුර රෝහල් ප්රකාශකයෝ විමසති…
රජයේ වෛද්ය නිලධාරින්ගේ සංගමයේ නියෝජිතයින් පිරිසක් ඊයේ (20) රාත්රියේදී සෞඛ්ය ලේකම් මුණ ගැසී අනුරාධපුර ශික්ෂණ රෝහලේ වෛද්ය දුලාන් සමරවීර නියෝජ්ය අධ්යක්ෂ දූරයේම තබන්නැයි ඉල්ලීමක් කර ඇතැයි වාර්තාවේ.
කෙසේ නමුත් අදාල ස්ථාන මාරුව පිලිබඳ ලියවිල්ල සකස් කර ඇති බැවින් සංගමයේ ඉල්ලිීම හමුවේ ලේකම්වරයා අසරණ වී ඇති බවද පැවසේ.
පොළොන්නරුව රෝහලේ අධ්යක්ෂවරයා සතියට දින තුනක් අනුරාධපුර රෝහලේ වැඩ බැලීමට පැමිණෙන බැවින් ඉතිරි දින දෙක තුළ රෝහලේ වැඩ බැලීම සඳහා වෛද්ය දුලාන් සමරවීරව නියෝජ්ය අධ්යක්ෂ තනතුරේ තබන්නැයි සංගමයේ නියෝජිතයින් මෙම ඉල්ලීම කර ඇත.
කෙසේ නමුත් මේ අතර සෞඛ්ය ඇමතිවරයා වෛද්ය දුලාන් සමරවීර වෙනත් ස්ථානයකට අනුයුක්ත කරන මෙන් දැනුම් දී ඇති අතරම වහාම අද (21) දිනයේදී සෞඛ්ය අමාත්යංශයේ විශේෂ විමර්ෂණ කණ්ඩායම් වෛද්ය දුලාන් සම්බන්ධයෙන් විශේෂ විමර්ෂණයක් කිරිමට අනුරාධපුර රෝහල වෙත යාමට නියමිත බවද වාර්තාවේ.
අනුරාධපුර රෝහලෙ වෛද්යවරුන් හැර අනෙකුත් සියලුම කාර්යය මණ්ඩල වෛද්ය දුලාන් සමරවීර ඉවත් විය යුතු යැයි නිගමනයක සිටින මොහොතක වෛද්යවරුන් පමණක් ඔහුව එම රෝහලේම රඳවා තබා ගැනීමට කටයුතු කිරිම බලවත් ගැටලුවක් යැයිද රෝහල් ප්රකාශකයෙක් ලංකාසර කළ විමසීමක දී පැවසුවේය.
ඔහුව රෝහල තුළ රඳවා ගනිමින් විමර්ශන කටයුතු කිරිම කුමණ ආකාරයේ විහිලුවක් දැයි විමසන රෝහල් ආරංචි මාර්ග රෝහල තුළ අනාරක්ෂිත තත්ත්වයක් ඇතිවීමට හැර, ඒ හේතුවෙන් අශික්ෂිත අපරාධයක් සිදුවූ පසු, රජයට බලපෑම් කරමින් රටේම වෛද්යවරුන් වර්ජනයක් සඳහා කැඳවූ රජයේ වෛද්ය නිලධාරීන්ගේ සංගමය මෙම ප්රශ්නයේ මූලික වග උත්තකරුවා රැක ගැනීමට දරන උත්සාහය විලිලජ්ජා නැති එකක් බව පෙන්වා දුන්නේය.
