කීර්ති ප්රනාන්දු –
ජාඇල කපුවත්ත නගරසභා ආදාහනාගාරය තුළ මෘත දේහයක් ආදාහනය කරමින් සිටියදී සිදු වූ විදුලි විසන්ධි වීමක් නිසා මියගිය පුද්ගලයාගේ ඥාතීන් විදුලිය පැමිණි පසු ඉතිරි කොටස ආදාහනය කරන ලෙස පවසා ආදාහනාගාර සේවකයින්ට මෘත ශරීරය භාරදී යාමේ පුවතක් ජාඇල නගර සභාවෙන් වාර්තා වේ .
ජාඇල නගර සභාවේ උසස් නිලධාරියකු ලංකාසරට පැවසුවේ අද (31 ) දහවල් 12:30 ට පමණ මෙම සිදුවීම සිදු වූ බවයි .
කොරෝනා වෛරසය ආසාධිත ව මියගිය ජා-ඇළ දෑලතුර ප්රදේශයේ පදිංචි 72 හැවිරිදි පිරිමි අයෙකුගේ මෘත ශරීරයක් මෙසේ ආදාහන ය කරමින් සිට ඇති බවද එම නිලධාරියා කීය .
නගර සභාවේ එම උසස් නිලධාරියා වැඩිදුරටත් පැවසූයේ ඊයේ (30 ) දිනය තුළ ද මියගිය කාන්තාවගේ මෘත ශරීරයක් ආදාහනය කරමින් සිටින අතරතුර දී විදුලිය විසන්ධි වීම නිසා එම මියගිය කාන්තාවගේ ඥාතීන් විසින් කුලියට ලබාගත් ජෙනරේටරයක් ආදාහනාගාරය වෙත රැගෙන විත් එමගින් විදුලිය ලබාගෙන එම මෘත ශරීරයේ ආදාහන කටයුතු සිදුකළ බවයි .
