මුව ආවරණයක් නොමැතිව ඉන්ධන ලබාගැනීමට පැමිණි පුද්ගලයකුට මුව ආවරණයක් පැලඳ ගන්නා ලෙස උපදෙස් දීම නිසා මීගොඩ අලුත්පාර ප්රදේශයේ ඉන්ධනහලක සේවකයෙක් උස්සා පොළොවේ ගැසූ මැරයින් දෙදෙනා අත් අඩංගුවට ගත් බව මීගොඩ පොලිසිය පවසයි.
ඊයේ (07) රාත්රියේදී අදාළ සැකකරුවන් දෙදෙනාව මීගොඩ පොලිසිය මගින් අත්අඩංගුවට ගෙන තිබේ.
සැකකරුවන් දෙදෙනා පාදුක්ක ගලගෙදර සමනල මාවතේ සහ වටරැක ගාලබැදිහේන ප්රදේශයේ පදිංචි 24 සහ 36 හැවිරිදි පුද්ගලයන් දෙදෙනෙකි.
පහරදීම සිදු කළ පුද්ගලයින් පැමිණි යතුරුපැදියක් ද පොලීසිය භාරයට ගෙන තිබේ.
සිද්ධියට සම්බන්ධ තවත් සැකකරුවෙකු ප්රදේශයෙන් පළාගොස් ඇති බව පොලීසිය පවසයි. ඔහු සොයා මෙහෙයුම් ආරම්භ කර ඇතැයි පොලිසිය කියයි.
සැකකරුවන් දෙදෙනා අද (07) හෝමාගම මහෙස්ත්රාත් අධිකරණය වෙත ඉදිරිපත් කිරීමට නියමිතය.
