ශ්රියානි විජේසිංහ –
අනධ්යන සේවකයින්ගේ වෘත්තීය ගැටලුව සම්බන්ධයෙන් ඊයේ (25) මුදල් අමාත්යංශය නියෝජිතයන් සහ අනධ්යන කාර්යමණ්ඩල නියෝජිතයින් අතර පැවති සාකච්ඡාවෙන් විසඳුමක් නොලැබුණ බැවින් ආරම්භ කළ වැඩ වර්ජනය සහ සත්යග්රහය අඛණ්ව ඉදිරියට ගෙන යාමට කටයුතු කරන බව පේරාදෙණිය විශ්ව විද්යාලයේ වෘත්තීය සමිති බලමණ්ඩලයේ ප්රධාන ලේකම් ටී.ඒ.ඩී. සුරංජීව පවසා සිටියි.
ඊයේ පැවති සාකච්ඡාවේදී තමන්ට හිමිවිය යුතු වැටුප පිලිබඳව සාකච්ඡාවට පැමිණි රාජයේ පාර්ශ්වකරුවන්ට කරුණු පැහැදිලි කර දුන් අතර එම කරුණු සියල්ලම ඔවුන් පිලිගන්නා බවත් මේ සඳහා අධ්යනය කිරීමට තවත් කාලය අවශ්ය බවත් දන්වමින් සාකච්ඡාව අවසන් කළ බව හෙතෙම පැවසුවේය.
කෙසේ නමුත් අනධ්යන කාර්යය මණ්ඩල සාමාජිකයින්ගේ ඉල්ලීම් ලබා දෙන තෙක් තමන් ආරම්භ කළ වැඩ වර්ජනය ඉදිරියට පවත්වාගෙන යන බවද බලමණ්ඩලය අවධාරණය කරයි.
මේ මොහොතේ ඇතැම් පුද්ගලයින් වර්ජනය අවසන් කළ බවට අසත්ය තොරතුරු මාධ්ය මගින් එළිදැක්වීමට කටයුතු කර ඇති නමුත් ඒ පිලිබඳව සිය බලමණ්ඩලයේ කණගාටුව ප්රකාශ කරන බවද පේරාදෙණිය විශ්ව විද්යාලයේ වෘත්තීය සමිති බලමණ්ඩලයේ ප්රධාන ලේකම් ටී.ඒ.ඩී. සුරංජීව පැවසුවේය.
