විවිධ වෙළඳ පොළ කටයුතු හරහා ශ්රී ලංකා මහ බැංකුව රුපියල් බිලියන 100 ක් අච්චු ගැසූ බවට පළවී ඇති වාර්තා පදනම් විරහිත ප්රලාප බව මහ බැංකුව නිවේදනයක් නිකුත් කරමින් ප්රකාශ කරයි.
මහ බැංකුව පෙන්වා දෙන්නේ විවිධ වෙළඳපොළ කටයුතු හරහා ද්රවශීලතාව ලබාදීම සාමාන්ය මහ බැංකු කටයුත්තක් බවය.
විවිධ වෙළඳ පොළ කටයුතු සිදු කරනු ලබන්නේ පොලි අනුපාතිකය කළමනා කරණය කිරීම හරහා මිල ස්ථායිතාව පවත්වා ගැනීම සඳහා වන අතර, එය හුදු මුදල් මුදල් අච්චු ගැසීමක් ලෙස ලඝු කොට දැක්විය නොහැකි බව එම නිවේදනයේ පැහැදිලි කරයි.
මුදල් අච්චු ගැසීම යන්නෙන් අදහස් කරන්නේ මහ බැංකුව ආර්ථිකයට අලුතින් මුදල් නිකුත් කිරීම බවත්, ආර්ථික විද්යාත්මක අර්ථයෙන් ගත් කල, අලුතින් මුදල් නිකුත් කිරීම යනු සංචිත මුදල් හෙවත් පදනම් මුදල් නිකුත් කිරීමක් බවත්ය.
ඉහත සඳහන් වාර්තාවල පලවී ඇත්තේ ශ්රි ලංකා මහ බැංකුව සිදු කරන සාමාන්ය විවට වෙළෙඳපොල කටයුතුවලදී ක්රියාත්මක කරන වෙන්දේසි සහ මුදල් මෙහෙයුම් කටයුතු පිළිබඳව බවත්, ඒමගින් රජයේ අයවැය මූල්යනය සඳහා මුදල් අච්චු ගැසීමක් හෝ අනිසි ලෙස මුදල් නිකුත් කිරීමක් කිසිසේත්ම සිදුවී නැති බවය.
මෙහිදී සිදුවී ඇත්තේ මහ බැකුංවේ මිල ස්ථායීතාවය පිළිබඳ අරමුණු ලඟාකර ගැනීම සඳහා සිදුවන සාමාන්ය ක්රියාවලියක් පමණක් බව මහ බැංකුව අවධාරණය කරයි.
මහ බැංකුව නිකුත් කළ සම්පූර්ණ නිවේදනය පහත දැක්වේ.
