මුතුරාජවෙල අභයභූමියේ මායිම් වෙන් කිරීම කඩිනම් කරන ලෙස අභියාචනාධිකරණය අද මිනින්දෝරු ජනරාල්වරයාට නියෝගයක් නිකුත් කළේය.
පාරිසරික යුක්ති කේන්ද්රය සහ එහිඉ විධායක අද්යක්ෂ හේමන්ත විතානගේ විසින් විසින් ගොනු කරන ලද රිට් පෙත්සමක් විභාග කළ අභියාචනාධිකරණය විනිසුරු සෝභිත රාජකරුණා සහ ධම්මිකා ගනේපොල යන විනිසුරු ද්වීපුද්ගල මඩුල්ල විසින් මෙම නියෝගය ලබා දී තිබේ.
මෙම පෙත්සම විභාගයට ගත් අවස්ථාවේදී නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල් සුමති ධර්මවර්ධන මහතා පෙත්සම්වලට අදාළ ගැටලු බොහොමයක් විසඳන මගක් ලෙස මුතුරාජවෙල අභයභූමිය සම්බන්ධයෙන් භෞතිකව මායිම් වෙන් කිරීමේ අවශ්යතාව අවධාරණය කළේය. අභයභූමියේ මායිම් වෙන් නොකිරීම හේතුවෙන් බලධාරීන් සිය රාජකාරි ඉටු කිරීමේදී දැඩි දුෂ්කරතාවන්ට මුහුණ දී සිටින බව ඔහු එහිදී පෙන්වා දී ඇත. තවදුරටත් කරුණු ඉදිරිපත් කරමින් ධර්මවර්ධන මහතා පවසා ඇත්තේ යෝජිත විදුලි බලාගාර භූමිය මුතුරාජවෙල අභයභූමියේ දකුණු සීමාවෙන් පිටත පිහිටා ඇති බවයි.
මේ අතර, ධර්මවර්ධන මහතා විසින් මායිම් වෙන්කිරීමේ ක්රියාවලිය පිළිබඳ මිනින්දෝරු ජෙනරාල්වරයාගේ සැලසුම් කාලරාමුව සමඟ අගෝස්තු 6 වන දිනට පෙර මෝසමක් ගොනු කරන බවට පොරොන්දුවක් ලබා දුන්නේය.
මෙම අවස්ථාවේදී මුතුරාජවෙල සම්බන්ධයෙන් කොලඹ අගරදගුරු මැල්කම් කාදිනල් රංජිත් හිමිපාණන් විසින් ඉදිරිපත් කරන ලද රිට් පෙත්සමද විභාගයට ගත් අතර එම පෙත්සමේ 19 වන වගඋත්තරකරු වෙනුවෙන් පෙනී සිටි ජනාධිපති නීතිඥ ජයන්ත වීරසිංහ මහතා පැවසුවේ වනජීවී දෙපාර්තමේන්තුව විසින් නිකුත් කරන ලද වාර්තාවකට අනුව කොළඹ අගරදගුරු තුමාගේ අධීක්ෂණය යටතේ මුතුරාජවේල අභයභූමිය තුළ නිවාස කිහිපයකින් සමන්විත ගම්මානයක් ඉදිකර ඇති බවයි.
ඔහු අධිකරණයට කියා සිටියේ උසාවියට පැමිණෙන පුද්ගලයෙකු පිරිසිදු අතකින් පැමිණිය යුතු බවයි.
මේ අතර, පාරිසරික යුක්ති කේන්ද්රය වෙනුවෙන් පෙනී සිටි නීති R රවින්ද්රනාත් දබාරේ මහතා අධිකරණයට ඉදිරිපත් කළේ අපද්රව්ය බැහැර කරන බවත්, මුතුරාජවේල අභයභූමිය තුළ ඉඩම් නිතිපතා ගොනු කරන බවත් පෙන්වා දී ඇත. මධ්යම පරිසර අධිකාරිය, පරිසර අමාත්ය, වනජීවී හා වන සංරක්ෂණ අමාත්යවරයා සහ තවත් 9 දෙනෙකු වගඋත්තරකරුවන් ලෙස මෙම පෙත්සම් මගින් නම් කොට ඇත.
පෙත්සම්කරුවන් අතුරු නියෝගයක් ඉල්ලා සිටින්නේ වගඋත්තරකරුවන්ට තවදුරටත් අපද්රව්ය බැහැර කිරීම සහ මුතුරාජවේල අභයභූමිය තුළ ඉඩම් පිරවීම නතර කරන ලෙසයි.
