මිරිස්ස ප්රදේශයේදී හෙරොයින් කිලෝග්රෑම් 23කට අධික ප්රමාණයක් සමඟ ඊයේ (06) අත්අඩංගුවට ගත් සැකකරුවන් 5 දෙනා දින 7ක් රඳවාගෙන විමර්ශනය කිරීමට අධිකරණයෙන් අවසර ලබා දී ඇත.
පෙරේදා (05) උදෑසන මිරස්ස ධීවර වරායට ආසන්න මුහුදු ප්රදේශයේ දී නාවික හමුදා බුද්ධි අංශයට ලද තොරතුරක් අනුව සැකකටයුතු බහුදින ධීවර යාත්රාවක් පරීක්ෂා කිරීමේ දී සියුම් ලෙස සඟවා තිබූ කිලෝ ග්රෑම් 23කුත් ග්රෑම් 235ක් වූ මෙම හෙරොයින් තොගය අත්අඩංගුවට ගැනීමට හැකි වී තිබිණි.
මෙම ධීවර යාත්රාවේ සිට අත්අංගුවට පත් වූයේ අවුරුදු 33-42 වයස්වල පසුවන මිරිස්ස කඹුරුගමුව සහ පිටිගල ප්රදේශයන්හි පදිංචි කරුවන් පස් දෙනෙකි.
