මැර පිරිසක් සමග පැමිණි ජල සම්පාදන සහ වතු යටිතල පහසුකම් ඇමති ජීවන් තොණ්මන් කැලනිවැලි වතු සමාගමට අයත් නුවරඑළිය පීඩෲ වතු යායේ ප්රධාන කාර්යාලයට කඩා වැදී වතු පාලන ධිකාරියේ නිලධාරීන්ට තර්ජනය කර නින්දිත ආකාරයෙන් හැසිරෙන අයුරු හෙළි කරන වීඩියෝවක් නිකුත් වී තිබේ.
මේ වනවිටත් ඇමතිවරයා විසින් මෙහෙයවන වතු කම්කරුවන් විසින් ප්රධාන විධායක නිලධාරී අනුර වීරකොන් ඇතුළු පාලන අධිකාරිය කාර්යාල අඩස්සියේ තබාගෙන ඇති බවත්, ඇමතිවරයාගේ මැදිහත්වීම නිසා පොලිසියට නීතිය ක්රියාත්මක කළ නොහැකි පසුබිමක් ඇති වී තිබෙන බවත් වාර්තා වේ.
මෙම කම්කරු උසිගැන්වීමට හේතු වී ඇත්තේ වතු පාලන අධිකාරිය විසින් ගත් තීන්දුවක් මත කෝපි පැල කිහිපයක් සිටුවීමට තේ ගස් ප්රමාණයක් ඉවත් කරන ලෙස වතු කම්කරුවන්ට කළ දැනුම් දීම ඔවුන් විසින් ප්රතික්ෂේප කළ නිසා එම සේවකයින් දෙදෙනා තාවකාලිකව වැඩ තහනමට ලක් කිරීමය.
මේ සම්බන්ධව අද නුවරඑළිය කම්කරු කාර්යාලයේ දි පැවති පරීකෂණයේ දී වතු පාලන අධිකාරිය මෙම කම්කරුවන් යළි සේවයේ පිහිටුවීමට එකඟ වී නැත. එම තත්ත්වය මුල් කරගෙන ඇති වූ නොසන්සුන්තාවයට දේශපාලන බලයක් ලබා දෙමින් වතු යටිතල පහසුකම් ඇමතිවරයා මැරයෙක් සේ හැසිරීම සමග තත්ත්වය උත්සන්න වී ඇත.
සමාගමේ නිශ්පාදිත තේ කොළඹ තේ වෙන්දේසියට යැවීමත් වළක්වන බවට ඇමතිවරයා ඇතුළු මැර පිරිස පාලන අධිකාරියට තර්ජනය කර ඇත. පහත දැක්වෙන්නෙ තේ කර්මාන්ත ශාලාවේ වැඩකටයුතු පිරිසක් විසින් නවත්වා දමන ආකාරයයි….
මැතිවරණයක් පිළිබඳ ප්රකාශ වී තිබිය දී දේශපාලකයින් තමන්ගේ ඡන්ද දායකයින් අමතන ස්වරූප වෙනස් බවත්, වතුකරයේ අහිසංක ජනතාව ඉදිරියේ ජීවන් තොණ්ඩමන් ඇමතිවරයා මේ රඟ දක්වන භූමිකාව ඔහුගේ දේශපාලනයට බලපෑවත් නැතත් මෙම තත්ත්වය රටේ ප්රධාන අපනයන ආදායම් මාර්ගයක්වන තේ කර්මාන්තය කළමනාකරණය කිරීමේ දි බරපතල ගැටලු සහගත තත්ත්වයක් ඇතිවිය හැකි බවත් වතු ක්ෂේත්රයේ ආරංචි මාර්ග සඳහන් කරයි.
පහත දැක්වෙන්නේ තොණ්ඩමන් ඇමතිවරයා වතු අධිකාරි කාර්යාලයට පැනීමට පෙර තමන්ගේ ඡන්ද කැම්පේන් එක කරන ආකාරයයි.
;
