රට තුළ පවතින ආර්ථික අර්බුදය හමුවේ පළාත් පාලන මැතිවරණය සඳහා මුදල් ලබාදීම සම්බන්ධයෙන් බරපතළ ගැටලු මතුව ඇතැයි මුදල් අමාත්යාංශ ලේකම් මහින්ද සිරිවර්ධන ජාතික මැතිවරණ කොමිෂන් සභාවට නිල වශයෙන් දැනුම් දී තිබේ.
ජාතික මැතිවරණ කොමිසමේ සභාපති නීතිඥ නිමල් පුංචිහේවා නිව්ස් ෆස්ට් නාලිකාව කළ විමසීමක දී පවසා ඇත්තේ සිකුරාදා (17) මුදල් ලේකම්වරයා ඇතුළු මුදල් අමාත්යාංශයේ ඉහළ පෙළේ නිලධාරීන් ජාතික මැතිවරණ කොමිසම වෙත සාකච්ඡා සඳහා කැඳවූ අවස්ථාවේදී මෙම නිල නිවේදනය සිදුකළ බවයි.
රාජ්ය වියදම් කපා හැරීමට නිකුත් කර ඇති චක්රලේඛයට අනුව රටේ අත්යවශ්ය අවශ්යතා සඳහා පමණක් මුදල් වෙන් කළ හැකි බව මුදල් අමාත්යාංශයේ නිලධාරීන් සඳහන් කර තිබිණි.
අත්යවශ්ය නොවන සියලුම වියදම් සඳහා මුදල් අමාත්යවරයාගේ අනුමැතිය අවශ්ය බවට තවත් චක්රලේඛයක් නිකුත් කර ඇති බවද ඔවුන් පෙන්වා දී ඇත.
ජනාධිපති රනිල් වික්රමසිංහ රටේ මුදල් ඇමැතිවරයාද වේ.
පවතින තත්ත්වය අනුව පළාත් පාලන මැතිවරණයට මුදල් ලබාදීමේ ගැටලු මතුව ඇතැයි මුදල් ලේකම්වරයා ජාතික මැතිවරණ කොමිසමට ප්රකාශ කර තිබිණි.
