රටේ මේ වනවිට මාර්ග අවහිර කරමින් උද්ඝෝෂණය කරන පිරිස් විසුරුවා හැරීමට කටයුතු කළ මේ රටේ සාමාන්ය ජනතාවට ස්වකීය ප්රණාමය පුද කරන බවත් ඉදිරියටත් එම බාධක ඉවත් කරදීමට මැදිහත් වන ලෙසත් එම ජනතාවගෙන් ඉල්ලමින් ආරක්ෂක මාණ්ඩලික ප්රධානී සහ යුද හමුදාපති ශවේන්ද්ර සිල්වා වීඩියෝ පටයක් නිකුත් කරමින් පවසයි.
ඔහු පවසන්නේ ඊයේ සිට පොලිසියේ ඉල්ලම පරිදි අත්යවශ්ය භාණ්ඩ ප්රවාහනය සහ ඉන්ධන ප්රවාහනය සඳහා පොලිසියේ ඉල්ලීම මත ත්රිවිධ හමුදාව පහසුකම් සපයන බැවින් ඔවුන්ගේ කාර්ය සාර්ථක කරගැනීමට බුද්ධිමත් ශ්රී ලාංකිකයන්ට එක්වී මෙම මාර්ග බාධක ඉවත් කර දෙන ලෙසය.
යුද හමුදාපතිවරයා වැඩිදුරත් පවසන්නෙ යුද සමයේ දී සහ කොවිඩ් සමයේ දී පොලිසියට හා ත්රිවිධ හමුදාවට සහයෝගය පල කර ආකාරයෙන්ම මේ අසීරු අවස්ථාවේ දී මාර්ග බාධක ඉවත් කර සැපයුම් පද්ධතිය ශක්තිමත් කිරීමට බුද්ධිමත් ශ්රී ලාංකිකයන් එක්වනු ඇති බවය.
ඊයේ මදුරන්කුලියේ දී මාර්ගය හරස් කළ උද්ඝෝෂකයන් පිරිසක් විසුරුවා හැරීම සඳහා ගම්වාසීන් එක්වරම පැමිණ කටයුතු කළ බව මාධ්ය වාර්තා කළේය.
හමුදාපතිවරයාගේ ප්රකාශය පහත දැක්වේ.
