මනම්පිටිය නිමල් ජයරත්න –
මාදුරුඔය හෙලිකොප්ටර් අනතුරින් මියගිය හමුදා සාමාජිකයින් සංඛ්යාව 6 දක්වා ඉහළ ගොස් තිබේ.
අනතුරින් මිය ගොස් ඇත්තේ විශේෂ බලකායේ හමුදා සාමාජිකයින් සිවු දෙනෙක් සහ ගුවන් හමුදා සාමාජිකයින් දෙදෙනෙකි.
හිඟුරක්ගොඩ ගුවන් හමුදා කඳවුරන් උදෑසන 6.47ට පිටත් වූ හෙළිකොප්ටරය මාදුරු ඔය ප්රදේශයට ඉහළින් අභ්යාස ප්රදර්ශනයක නිරතවෙමින් සිටිය දී පෙරවරු 8.17 යානය මාදුරුඔය ජලාශයට කඩා වැටී තිබිණි.
විශේෂ බලකායේ සෙබලුන් හය දෙනෙකු, ගුවන් හමුදා හමුදා රෙජිමේන්තු විශේෂ බලකායේ සාමාජිකයින් දෙදෙනෙකු, ගුවන් හමුදා සාමාජිකයින් දෙදෙනෙකු සහ ගුවන් නියමුවන් දෙදෙනෙකු ඇතුළු 12 දෙනෙක් යානයේ ගමන් කරමින් සිටිය දී මෙම අනතුර සිදුවී තිබිණි
මේ වනවිට යානයේ ගමන් ගත් 12 දෙනාගෙන අඩක් මිය ගොස් ඇත.
අනතුර සම්බන්ධයෙන් විමර්ශනය කිරීම සඳහා ගුවන් හමුදාපතිවරයා විසින් හය දෙනෙකුගෙන් යුත් කමිටුවක් පත් කර තිබේ.
