ත්රෛනිකායික මහා නායක හිමිවරුන්ගේ ඉල්ලීම පරිදි මෙවර වෙසක් පුර පසළොස්වක පොහොය දිනය සංශෝධනය කරන බව රාජ්ය පරිපාලන පලාත් සභා සහ පළාත් පාලන අමාත්යාංශය පවසයි.
අමාත්ය මහාචාර්ය චන්දන අබේරත්න සඳහන් කළේ එය ඉදිරියේ දී නිල වශයෙන් ප්රකාශයට පත් කරන බවය.
මැයි මස 01 වැනිදාට හා 30 වැනිදාට පොහොය දෙකක් යෙදී ඇති බැවින් මැයි මස 01 වැනිදා වෙසක් පොහොය ලෙසත් මැයි මස 30 වෙනිදා අධි පොසොන් පොහොය ලෙසත් නම් කර ඇති කැලැන්ඩරය වෙනස් කර මැයි මස 30 වැනිදා වෙසක් පුන් පොහොය දිනය ලෙස නම් කිරීම සුදුසු බව මහා නායක හිමිවරු සිවු නමම ජනපති වෙත ලිඛිතව දන්වා තිබිණි.
එම ඉල්ලීම අනුව වෙසක් පුන් පොහොය දිනය මැයි මස 30 වැනිදාට කැලැන්ඩර දින සලකුණු කරන බව අද ප්රකාශ කළ අමාත්ය චන්දන අබේරත්න පෙන්වා දුන්නේ පොහොය දින දින දර්ශනයේ සලකුණු කරනු ලැබුවේ විෂය ප්රාමාණිකයින් සහ ස්වාමීන්වහන්සේලා ද ඇතුළත්ව සිටින පොහොය කමිටුවේ නිර්දේශ මත බවය.
කෙසේ වෙතත් මහා නායක හිමිවරුන්ගේ ඉල්ලීම මත උන්වහන්සේලා ඉදිරිපත් කරනු ලබන සංශෝධනය ක්රියාත්මක කරන බවත් ඉදිරියේ දී ඒ පිළිබඳව දැනුම් දෙන බවත් අමාත්යවරයා තහවුරු කළේය.
මේ කතාවත් කියවන්න….
කැලැන්ඩරයේ වෙසක් පොහොය දිනය වෙනස් කරන්න… මහා නායක හිමිවරු ජනපතිට ලිඛිතව දන්වති!
