ප්රාදේශීය සභා ලේකම්වරියට පහර දුන් බවට චෝදනා ලද සමගි ජන බලවේගයට බලය හිමි මතුගම ප්රාදේශීය සභාවේ සභාපතිවරයා අතුරුදහන්ව ඇතැයි පොලිසිය පවසයි.
මතුගම පොලිසිය භාර ජ්යෙෂ්ඨ පොලිස් නිලධාරියෙක් මාධ්යයට පවසා ඇත්තේ ඊයේ රාත්රියේ දී පොලිස් කණ්ඩායමක් සභාපතිවරයාගේ නිවස පරීක්ෂා කළ බවය.
එම අවස්ථාවේ දී ඔහු නිවසේ සිට නැත. ඉන් අනතුරුව අද උදෑසනත් විශේෂ පොලිස් කණ්ඩායමක් මතුගම ප්රාදේශීය සභාවේ සභාපතිවරයා සොයා මතුගම ප්රදේශයේ මෙහෙයුම් ආරම්භ කර ඇති බව පොලිසිය ප්රකාශ කළේය.
පහර කෑමට ලක් වුන මතුගම ප්රදේශීය සභාවේ ලේකම්වරිය මේ වනවිට රෝහල්ගතව ප්රතිකාර ලබමින් සිටින්නීය. සිද්ධිය සම්බන්ධයෙන් ලේකම්වරිය මතුගම පොලිසියට පැමිණිල්ලක් ද සිදුකර තිබේ. මේ සම්බන්ධව පොලිසිය ප්රකාශ 06ක් දැනට සටහන් කරගෙන තිබේ.
මතුගම ප්රාදේශීය සභා කාර්යාලයේ රාජකාරියේ යෙදී සිටිය දී සභාපතිවරයා පැමිණ සභා ලේකම්වරියට බැණ තර්ජනය කර ලිපිගොනු සුළඟේ යෑම වළක්වන බර රඳවනයකින් මේසයට කළ පහරක් තම උරහිසට වැදී ඇති බව ලේකම්වරිය පැමිණිළි කර ඇතැයි පොලිසිය පවසයි.
රුපියල් කෝටි දෙදහසකට ආසන්න සංවර්ධන ව්යාපෘතියක් සම්බන්ධව ඇති වූ බහින්බස් වීමක් අවසානයේ දී මෙම පහරදීම සිදුකර ඇතැයි පොලිසිය පවසයි.
