ලලිත් චාමින්ද –
ශ්රේෂඨාධිකරණ ලබාදුන් තින්දුව අනුව මන්ත්රිධුරය අහිමිවු කම්කරු හා විදේශිය රැකියා අමාත්ය මනුෂ නානායක්කාරගෙන් පුරප්පාඩු වන මන්ත්රිධුරය සඳහා සමගිජන බලවේගයේ ගාල්ල දිස්ත්රික් මනාප ලැයිස්තුවේ ඊලගට සිටින බන්දුලාල් බණ්ඩාරිගොඩ පත්වීමට නියමිතව ඇත.
පසුගිය පාර්ලිමේන්තු මහමැතිවරණයේ දි බන්දුලාල් බණ්ඩාරිගොඩ ගාල්ල දිස්ත්රික්කය සඳහා සමගිජන බලවේගයෙන් තරගකොට මනාප ඡන්ද 34897ක් ලබාගෙන මනාප ලැයිස්තුවේ තුන්වැනි ස්ථානයට පත්විය. එම මැතිවරණයේ දි සමගිජන බලවේගයෙන් තරගකොට මනුෂ නානායක්කාර මනාප ඡන්ද 47 399ක් ලබාගෙන මනාප ලැයිස්තුවේ දෙවැනි ස්ථානයට පත්විය.
බන්දුලාල් බණ්ඩාරිගොඩ හිටපු පාර්ලිමේන්තු මන්ත්රීවරයෙකි. ඔහු 2015 වර්ෂයේ පැවති මහ මැතිවරණයේ දි පළමු වරට පාර්ලිමේන්තුවට තේරිපත්විය. සමගිජන බලවේගයේ බද්දේගම ආසනයේ ප්රධාන සංවිධායකවරයා වශයෙන් කටයුතු කළ බන්දුලාල් බණ්ඩාරිගොඩ මිට මාස කිහිපයකට පමණ ඉහතදි සංවිධායක ධුරයෙන් ඉවත්විය. ඒ අම්බලන්ගොඩ හිටපු සංවිධායක ආනන්ද අබේවික්රමට ආසනය ලබාදීම සදහාය.
කෙසේ වෙතත් ජනාධිපතිවරණය අවසන් වනතෙක් පක්ෂයේ මන්ත්රී පුරප්පාඩු පිරවීම පමා කිරීමට සමගි ජන බලවේගය තීරණය කර ඇතැයි වාර්තා වේ.
