ලලිත් චාමින්ද –
මන්නාරම සුළං විදුලි ජනන ව්යාපෘතිය විවෘත කිරිමේ උත්සවය සදහා ලංකා විදුලිබල මණ්ඩලය විසින් රුපියල් මිලියන 15.2ක මුදලක් වැයකොට ඇති බවත් එය අනාර්ථික වියදමක් බවත් ජාතික විගණන කාර්යාලය මගින් නිකුත්කොට ඇති විගණන වාර්තාවක් මගින් අනාවරණය වි ඇත.
2020 දෙසැම්බර් මස 08 වැනි දින එවකට අගමැති මහින්ද රාජපක්ෂගේ ප්රධානත්වයෙන් විවෘත කරණු ලැබු මෙකි ව්යාපෘතියේ විවෘත කිරිමේ උත්සවය සදහා මෙම මුදල වැයකොට තිබුණි.
විදුලිබල මණ්ඩලයේ අරමුදල් ආර්ථිකමය ඵලදායී වශයෙන් භාවිතා කරනු ලබන බවට සහතික විය යුතු බවට විගණනය මගින් නිර්දේශකොට ඇත.
අධ්යක්ෂක මණ්ඩලයේ අනුමැතිය මත මෙම ගෙවිම් සිදුකොට ඇති බවත් උත්සව වියදම මෙම ව්යාපෘතියට මාරුකොට ඇති බැව් විදුලිබල මණ්ඩලයේ කළමණාකාරිත්වය විසින් විගණනයට සදහන් කොට තිබේ.
